影片
更多
2012-12-24
337 浏览
2102-12-21冬節，於元朗大榮華酒樓，五人晚膳菜式如下：—蛇羹煲：跟爐上，蛇肉如橡筋、非常腥，羗絲多過其它配料 細煲翅：湯底淡口、芽菜白相當多 砵仔飯：熱飯本已有飯香，先投兩匙豬油，油香撲鼻，後再撈一匙頭抽，三扒兩撥就擦哂 五味雞：肉質不俗，面層的可贊，惟底層的泡浸著醬油，真可惜？蜆介牛肉：味料適中，採用牛柳，奈何啲牛柳摺叠黏着失色！砵仔蚝：來絲太多，蚝仔淡而無味，要加淋頭抽、古月粉彌補其調味不足 南乳齋煲：材料份量充足，調味料適中 芥蘭炒臘味：菜薳嫩、臘味鹹甜適中 奶皇馬拉糕：色香味區有 水晶包：漏單...送麥米粥：太甜漏、又粘糊，佢哋四個人都祇食咗兩啖咋 送紅荳沙：顏色呈黑紅色，挑起來看，發現有紅荳及黑糯米在內，甜度適中，我成碗食哂
2102-12-21冬節，於元朗大榮華酒樓，五人晚膳菜式如下：—
蛇羹煲：跟爐上，蛇肉如橡筋、非常腥，羗絲多過其它配料
細煲翅：湯底淡口、芽菜白相當多
砵仔飯：熱飯本已有飯香，先投兩匙豬油，油香撲鼻，後再撈一匙頭抽，三扒兩撥就擦哂
五味雞：肉質不俗，面層的可贊，惟底層的泡浸著醬油，真可惜？
蜆介牛肉：味料適中，採用牛柳，奈何啲牛柳摺叠黏着失色！
砵仔蚝：來絲太多，蚝仔淡而無味，要加淋頭抽、古月粉彌補其調味不足
南乳齋煲：材料份量充足，調味料適中
芥蘭炒臘味：菜薳嫩、臘味鹹甜適中
奶皇馬拉糕：色香味區有
水晶包：漏單...
送麥米粥：太甜漏、又粘糊，佢哋四個人都祇食咗兩啖咋
送紅荳沙：顏色呈黑紅色，挑起來看，發現有紅荳及黑糯米在內，甜度適中，我成碗食哂
题外话/补充资料：
多層停車場在前方、泊位光猛。
一行五人步上樓，到走廊尾一個擺有約十張枱的偏廳，內裏已有兩枱客，進門感到凉風陣陣的迎面吹襲。 我等坐於右邊靠牆的中間枱，鄰桌席上有兩位高齡長者瑟縮的坐著，我等也感到寒赤。 么女婿向部長要求，可否將冷氣出風調細一啲，因為四個風口都吹到正，太大風了。 該寒背部長回應說冇得較細，凍就比嘢你嬲住啦。
其後，他取來一叠布料，女婿打開一看，竟然是枱布？! 該部長說：「呢度凈係得枱布咋！」 ...說罷隨即走往對面枱與客談天說地。 我感嘆地對家人說：「呢個部長真係好嘢，連一個樓雜都不如！」 女婿無奈地說：「算喇，話吓佢就棧啲餸菜加料咋！」
於進食期間，女侍應出於好意，想打火加熱蛇羹為各人添加，但她撻咗幾下都唔着，取出氣罐摇動話仲有氣呀！ 哪個部長走過來吸番蓋，狂撻五、六下。 我叫佢停手，因為我看見並無電子火花閃爍。 我話：「你不停咁撻都唔着，啲gas積聚哂喺煲底度，容乜易搶火危險ka。 梁生喺電視廣告宣傳要注意爐頭安全，唔該你換個爐啦！」 該部長連爐帶煲捧去冲茶鉄柜上處理。 過咗一陣，聞到一啲膠law味，見該加熱蛇羹火爐緊貼住旁邊一個灰色膠桶，我等喚身旁的女侍應趕快移開膠桶！！！
【凉風陣陣的、百聞不如一遇的部長，予我等渡過壬辰年冬至】......
(以上食记乃用户个人意见 , 并不代表OpenRice之观点。)
张贴