8號茶居 (順發樓) (已結業)

同朋友見下面，去飲早茶食點心一盅兩件，元朗巴士總站附近有間 ［8號茶居］茶居裝滿簡約，價錢幾親民！有優惠套餐選擇：2人套餐、蒸飯套餐、汽鍋燉湯套餐、孖寶套餐等，好吸引！菊花普洱上枱時已經聞到菊花嘅香氣，飲落嘅味道好清香，普洱去膩。懷舊糯米雞 糯米好足料，糯米軟腍而且口感煙韌，配料豐富有鹹蛋黃、瘦肉、火腿。溫室青瓜叉燒腸腸粉皮剔透，見到包裹叉燒同青瓜，外表飽滿，青瓜爽滑。雪茄春卷外皮炸到脆卜卜，蝦肉爽口鮮嫩，加入沙律醬，好美味。蜜汁叉燒包叉燒包好大件，食落啖啖濃郁又多汁嘅叉燒，餡料甜香。8號茶居 地址：元朗擊壤路17號順發樓地下H號舖