影片
更多
2021-08-23
45 浏览
【元朗】【抵食！非一般日式餐廳】星期日做孝順女，同媽咪去左元朗買餸，行到攰左，又新街揀左間餐廳食下午茶，其實午餐都未食，睇左餐牌原來好抵食，叫到放題咁都唔會好貴。午餐下午茶餐晚餐都有唔同餐牌，個人覺得食物質素不錯，價錢便宜，見到好多人叫拉麵，50蚊唔洗仲包熱飲，仲平過茶餐廳。雖然名叫野川拉麵～深宵食堂，唔好諗住係日本居酒屋咁，佢裝修似韓燒餐廳，仲有個1:1 iron man係門口坐鎮。餐牌雖然真係主要食日本野，但都有啲其他野食下。唔洗加一，又有set，真係好抵食。──假日限定午餐──芝心牛角漢堡$98(包一杯$38特飲）～一半溶嘅芝士加上勁厚的漢堡扒，用左牛肉豚肉和雞肉製成，好有份量，媽咪話似用新鮮肉整自家製，多菜，加埋牛角包好脆，仲有一籃熱焫焫嘅薯條，同一口薯仔沙律。特飲：芝士奶蓋朱古力Oreo ～好驚喜！！味道媲美著名手搖飲品品牌，甜度啱啱好，跟呢個餐唔洗加錢真係好抵！！──追加小食──叫一個午餐就可以無限追加特價小食，有好多種類今次我淨係揀左刺身，因為我家姐超推薦！！我諗主要原因係個擺盤好似放題，其他小食炸物都好似放題會食果啲。每樣我都叫左兩份～但其實啲炸物都好吸引！！三文魚 $
星期日做孝順女，同媽咪去左元朗買餸，行到攰左，又新街揀左間餐廳食下午茶，其實午餐都未食，睇左餐牌原來好抵食，叫到放題咁都唔會好貴。
午餐下午茶餐晚餐都有唔同餐牌，個人覺得食物質素不錯，價錢便宜，見到好多人叫拉麵，50蚊唔洗仲包熱飲，仲平過茶餐廳。
雖然名叫野川拉麵～深宵食堂，唔好諗住係日本居酒屋咁，佢裝修似韓燒餐廳，仲有個1:1 iron man係門口坐鎮。
餐牌雖然真係主要食日本野，但都有啲其他野食下。
唔洗加一，又有set，真係好抵食。
──假日限定午餐──
芝心牛角漢堡$98
(包一杯$38特飲）
～一半溶嘅芝士加上勁厚的漢堡扒，用左牛肉豚肉和雞肉製成，好有份量，媽咪話似用新鮮肉整自家製，多菜，加埋牛角包好脆，仲有一籃熱焫焫嘅薯條，同一口薯仔沙律。
特飲：芝士奶蓋朱古力Oreo
～好驚喜！！味道媲美著名手搖飲品品牌，甜度啱啱好，跟呢個餐唔洗加錢真係好抵！！
──追加小食──
叫一個午餐就可以無限追加特價小食，有好多種類今次我淨係揀左刺身，因為我家姐超推薦！！我諗主要原因係個擺盤好似放題，其他小食炸物都好似放題會食果啲。每樣我都叫左兩份～但其實啲炸物都好吸引！！
三文魚 $24 有3片
甜蝦 $24 有3隻
帶子 $32 有3片
──下午茶餐──
炸雞翼 拼沙律 $42
～雞翼都幾大隻，配薯仔什果沙律，包埋熱飲一杯
──滋味小食──
泰式鳳爪 $48
～冇骨，唔算辣，酸甜，開胃，好食！！
张贴
