Are U Labeler

营业中

休息中

其實何文田除左勝利道外，隔離街的梭椏道都有唔少美食，其中之一就係呢間cafe。呢間cafe牆身塗滿塗鴉，潮得嚟不乏玩味。整間cafe空間雖然唔大，但勝在環境清幽，適合想清靜一下嘅食客到訪。小弟今次就點左個藍青口香蒜炒意粉（約港幣60元），成碟意粉總共有6隻藍青口，份量唔算少，再配以芽菜苗以及蒜片炒成。成碟意粉都充滿啖啖蒜香。小弟好在意食炒炒麵個陣，碟底會唔會積聚多餘油份。而呢碟意粉食到底個陣就唔見到有多餘嘅油積聚喺碟底，所以，唔會有愈食愈油膩嘅感覺，不俗。值得留意嘅係整個lunch set加熱茶（例如：Jasmine tea或者 Earl Grey）都係免費，但熱咖啡或者其他凍飲就要額外收費。