新合成燒臘飯店

营业中

休息中

呢日喺佐敦遲左放工～由於煮唔切飯，所以見到間燒味鋪就諗住斬料帶返屋企食！單/雙拼既燒味飯都係三四十蚊～自選兩款燒味都有優惠，$110就有兩款燒味，好抵食😋💯本來想叫半斤叉燒，好可惜賣晒🥲店內姨姨話呢度叉燒最出名，下次有機會再試過先得🥲姨姨推介我試下燒腩仔，所以最後叫左半斤燒肉，半隻豉油雞🥰燒腩仔份量十足，真係夠晒一家大細一齊食！燒肉外皮脆卜卜，肉質肥瘦相間，食落好軟腍，唔會太肥！點埋芥茉醬超正，送飯食一流🍚豉油雞同樣大大份😍帶有濃郁既醬香味，味道微甜，雞肉鮮嫩多汁，啖啖肉，又唔會鞋口，相當高質👍🏻雞肉融合埋豉油既香味，好惹味！