大街小館 (已結業)

今日黎開佐敦，朋友介紹呢間既手工雪糕好好食，所以就黎試下🥰榴槤拿破崙打卡唔錯👍🏻🥰 不過嗌完都要等啲時間，個拿破崙比平時一般食開既唔同，鬆脆好多，唔會硬堀堀好難切👍🏻 配埋榴蓮同cream一切食好正，不過就略嫌個榴蓮未夠香！佢仲配有雪糕可以揀味:好可惜手工雪糕今日已經冇晒，唯有食返普通雪糕！而佢地呢到既雪糕好好食，好多口味揀😍 我揀佐水蜜桃雪糕，特別啲嘛🍑 食第1啖，唔…好好味，水蜜桃味好出，好清新，我中意佢冇佐雪糕個種奶味感咁厚重，好有食水蜜桃冰咁！讚！榴槤撈河粉賣相反而一般，相對細碗。有榴蓮肉同小丸子，榴蓮肉份量都可以☺️ 仲配一個雪糕可以揀味~ 河粉汁底好濃椰汁味，幾正！