友利冰室 x 勿當奴 (D2 Place TWO) (已結業)

《乳豬卡邦尼意粉》HK$68 🍝金黃色嘅carbonara睇落都知道味道非常濃郁，食落亦都好creamy同smooth，加上crossover港式燒味絕對係食出另一番風味！個乳豬醬同個意粉意外地夾！可惜乳豬嘅份量比想像中少，同埋如果乳豬皮更加脆口就好喇，但整體嚟講都好唔錯！-《巨無罅餐 Big Gap》HK$48 🍔🍟🥤對於已經有一年半沒食過某美式快餐嘅為食妹嚟講，好開心可以喺度食到一個更好味Burger！美國漢堡扒更有牛味，同埋個千島醬都好正！-溫馨小提示💕：由於呢度嘅漢堡牛扒係長方形而唔係圓形，形狀不一嘅情況下加添咗食Big Gap嘅難度！所以如果大家想堂食的話，記得注意一下啦！🙊