2小時任食，環境企理得幾舒服，大把海鮮選擇。
‼️最正係個超長魚池，任撈任煮不停補貨！一入去見到成條池生猛海鮮，店員成日補，撈極都唔怕冇！
* 三點蟹：蟹膏爆漿，蒸完啜啜啜超香，膏多到流出嚟
* 大頭蝦：彈牙大隻，蝦頭丟落湯即刻變鮮湯，飲落成碗都係甜
* 生蠔：肥美多汁，仲有少少海水味
* 花甲+白蜆：撈兩大桶，麻辣鍋一撈即開，啜到停唔到，辣得過癮
* 和牛+牛舌：烤一烤，油香juicy，牛舌脆口，和牛肥美即熔
湯底揀金湯花膠雞，雞湯清甜有花膠軟滑，海鮮落去即刻吸晒味。仲有Hagen-Dazs雪糕、炸天婦羅。
食到飽到爆，平日都勁人多食，海鮮控直接衝啦！🦀🦐💥
1
