泰廚房子 (德福廣場1期)

营业中

休息中

近期德福廣場一期的平台餐廳進行裝修，係原中國銀行舊址分拆了兩間餐廳，一間主打中式粥粉麵飯，另一間就主打泰國美食。小弟就揀咗喺主打泰國美食嘅餐廳食飯。由於本身比較早去到餐廳食晚飯，約傍晚6點鐘，所以唔需要等就可以入去。當晚總共點左四樣嘢，分別係炒金邊粉、雞肉串燒、馬拉盞炒通菜同札肉雞絲湯金邊粉。想喺度分享嘅係客人比較常點嘅泰式炒金邊粉同札肉雞絲湯金邊粉。先講講泰式炒金邊粉，本身比較期待呢個金邊粉嘅主要原因係餐牌上展示該金邊粉嘅面蓋上左一層金黃色嘅蛋網，賣相頗為吸引，但到上菜嘅時候就發現無左原有餐牌上嘅蛋網，有少少失望。幸好，金邊粉的味道力保不失，餐廳賣嘅泰式炒金邊粉無一般喺香港嘅泰式餐廳所食到嘅炒金邊粉咁有好濃嘅甜酸醬味，相反，成碟金邊粉充滿非常濃郁嘅羅望子醬味道，加上有少少辣味，非常惹味。至於，札肉雞絲湯金邊粉方面，餐廳嘅札肉頗為鮮味，雞絲連帶黃油雞皮，因而金邊粉沾到少少黃油味，湯底亦甚無味精的味道，所以食完都無口渴嘅感覺，可以一試。