影片
更多
2018-07-15
4248 浏览
一班人想食中餐靜靜地圍埋傾下計食下飯，有人想食烤北京填鴨，就黎左呢間古琴雅苑新開嘅尖咀分店喇！呢度有幾款茶可供選擇，所選嘅荔枝玫瑰花茶，真係好香玫瑰花香味，茶都好濃郁。由於多人早訂座，呢個包廂可自成一閣倒不錯。首先黎左幾個涼盤、前菜先！蔥油海蜇拌黃瓜 $79海蜇經調味惹味開胃、手拍青瓜爽口入味。揚州水晶肉 $79（餚肉）啫喱同瘦肉比例好好，沾上醋係好爽清新嘅前菜。雞絲粉皮 $75粉皮比一般幼身，麻醬較深色、芝麻好香好濃。而家呢度做緊個烤鴨節優惠。只要有12歲以下小童參與填色遊戲就可免費獲贈兒童餐一份（價值$98）烤北京填鴨 半隻$178、全隻$338 優惠期間：可免費加配芹香鴨松生菜包或醬爆鴨架！呢度嘅北京烤鴨據講都有5斤重、專登係北京請左大師傅過黎主理，即烤即片！每隻烤鴨都可以片出108塊，好刀工！師傅開初會片出大概十多塊胸口剩係皮嘅位置，俗稱（一口酥）。可沾上砂糖或黃梅醬食。師傅片出兩大碟細細塊嘅鴨皮跟肉。貪心嘅我地就會包兩、三塊鴨配上哈蜜瓜、青瓜、京蔥、黃梅醬同海鮮醬。第一次食配哈蜜瓜，想不到味道幾夾幾清新。包嘅皮很薄，食了兩、三塊都唔覺膩！芹香鴨松生菜包 （贈送）原價$98鴨
呢度有幾款茶可供選擇，所選嘅荔枝玫瑰花茶，真係好香玫瑰花香味，茶都好濃郁。
由於多人早訂座，呢個包廂可自成一閣倒不錯。
首先黎左幾個涼盤、前菜先！
蔥油海蜇拌黃瓜 $79
海蜇經調味惹味開胃、手拍青瓜爽口入味。
揚州水晶肉 $79
（餚肉）啫喱同瘦肉比例好好，沾上醋係好爽清新嘅前菜。
雞絲粉皮 $75
粉皮比一般幼身，麻醬較深色、芝麻好香好濃。
而家呢度做緊個烤鴨節優惠。
只要有12歲以下小童參與填色遊戲就可免費獲贈兒童餐一份（價值$98）
烤北京填鴨 半隻$178、全隻$338
優惠期間：可免費加配芹香鴨松生菜包或醬爆鴨架！
呢度嘅北京烤鴨據講都有5斤重、專登係北京請左大師傅過黎主理，即烤即片！
每隻烤鴨都可以片出108塊，好刀工！
師傅開初會片出大概十多塊胸口剩係皮嘅位置，俗稱（一口酥）。可沾上砂糖或黃梅醬食。
師傅片出兩大碟細細塊嘅鴨皮跟肉。
貪心嘅我地就會包兩、三塊鴨配上哈蜜瓜、青瓜、京蔥、黃梅醬同海鮮醬。
第一次食配哈蜜瓜，想不到味道幾夾幾清新。
包嘅皮很薄，食了兩、三塊都唔覺膩！
芹香鴨松生菜包 （贈送）原價$98
鴨肉碎、松子仁、芹菜切得碎碎，炒得非常惹味，鴨油好香口，包生菜或伴白飯都非常好味。
醬爆鴨架 $88
食左兩道都覺得有點耳猶未盡，於是就試埋個鴨架。肉比較少，但一樣爆到好香口入晒味。
開水白菜 $76
津白浸住豬骨湯，健康去膩。
金銀炒鱔糊 $128
又一道伴飯良菜，鱔肉略嫌不夠QQ，調味很好！
風味松子魚 $238
最巧功夫嘅一道菜、外皮炸得酥脆、入面魚肉彈牙。酸酸甜甜調味！
上海炒年糕 $88
炒得入味，年糕口感保持到煙韌，唔會痴埋一舊舊。
腰果露 $28
磨得非常細滑，唔會過分濃稠。
高力豆沙香蕉 $55
每人咬開高力豆沙，都有香蕉係入面。
好有空氣鬆軟感。
拔絲香蕉 同蘋果 $55
店員細心幫我地切開方便我地分，拔絲蘋果較出色。脆糖外皮仍能食到蘋果較爽身嘅口感。
张贴
