影片
更多
2021-12-20
154 浏览
『蟹肉包食得好過癮想一啖接一啖』想去 little bao好耐，知道佢重返SOHO 忍唔住即刻去試下~ 燈飾充滿節日氣氛，門口仲擺住棵粉紅色聖誕樹好啱打卡添🌸舖頭比較細，滿座的時候吧枱會坐得有小小逼哦。新店有幾款限定菜式，味道都非常唔錯呢！推介 🥢SKIRT STEAK BEEF TATAKI 🥢CRAB BAO 🥢BAO CHA! HEY BAO! ————————————————————◎ SKIRT STEAK BEEF TATAKI (HKD158) | 4/5將崩沙腩的部位切片輕微炙燒，佐以日式香醋，再加入香菇、韭菜、紅蔥等等。牛肉味濃有咬口，惹味非常◎ FRUITS OF SEA CEVICHE(HKD168) | 3.5/5海鮮沙律有三文魚、吞拿魚同帶子粒，白醋汁撈勻同nachos一齊食幾開胃◎ CRAB BAO(HKD128) | 4/5中式蒸包好鬆軟，忍唔住㩒多幾下🙊蟹餅的蟹肉一梭梭十分足料，咬落去食到夾層的鹹蛋黃醬，仲帶點香茅獨有的清香，食起身完全唔覺飽滯。◎ FRIED CHICKEN BAO (HKD98) | 3.5/5招牌之一的炸三黃雞包🐥
『蟹肉包食得好過癮想一啖接一啖』
想去 little bao好耐，知道佢重返SOHO 忍唔住即刻去試下~ 燈飾充滿節日氣氛，門口仲擺住棵粉紅色聖誕樹好啱打卡添🌸舖頭比較細，滿座的時候吧枱會坐得有小小逼哦。新店有幾款限定菜式，味道都非常唔錯呢！
推介 🥢SKIRT STEAK BEEF TATAKI 🥢CRAB BAO 🥢BAO CHA! HEY BAO!
————————————————————
◎ SKIRT STEAK BEEF TATAKI (HKD158) | 4/5
將崩沙腩的部位切片輕微炙燒，佐以日式香醋，再加入香菇、韭菜、紅蔥等等。牛肉味濃有咬口，惹味非常
◎ FRUITS OF SEA CEVICHE(HKD168) | 3.5/5
海鮮沙律有三文魚、吞拿魚同帶子粒，白醋汁撈勻同nachos一齊食幾開胃
◎ CRAB BAO(HKD128) | 4/5
中式蒸包好鬆軟，忍唔住㩒多幾下🙊
蟹餅的蟹肉一梭梭十分足料，咬落去食到夾層的鹹蛋黃醬，仲帶點香茅獨有的清香，食起身完全唔覺飽滯。
◎ FRIED CHICKEN BAO (HKD98) | 3.5/5
招牌之一的炸三黃雞包🐥雞肉炸得恰好鎖緊肉汁，而花椒沙律醬就夠晒特別，輕微的椒麻令炸雞唔會太肥膩。不過個人感覺炸粉可以再薄一點哦~
◎ GREEN TEA ICE-CREAM BAO(HKD38) | 3.5/5
細個最鍾意食炸饅頭，估唔到同雪糕原來幾襯！綠茶味道都幾香，雪糕凍冰冰中和左炸饅頭的熱氣，但係食嘅時候要小心d會食得有點狼狽XDD
◎ HOLIDAY ICE-CREAM BAO SPECIAL - MALTESERS(HKD48) | 3.5/5
節日限定雪糕包係麥提莎味，入面仲夾住粒麥提莎。脆脆地幾有層次感，食完會好開心
◎ BAO CHA! HEY BAO! (HKD100) | 4/5
眼前一亮的cocktail🥂好啱酒量淺或者鍾意飲奶茶嘅朋友~厚厚的芝士奶蓋綿密軟滑非常出色，下面則是芒果同烏龍茶為主導的味道，Fernet Hunter作為基酒就比較溫和清淡
◎ POCARI PALOMA(HKD100) | 3/5
稍微成人向的一杯選擇，由兩種龍舌蘭加入寶礦力、西柚調製而成，酒味比上一杯濃些，會帶有西柚的苦味
张贴
