好煮意

营业中

休息中

【暖笠笠藥膳雞米線🍜】社工之日常：一早起身去咗上水嘅小學講講座，新界地區真係再低兩度，完全感受到冬天凍冰冰嘅感覺😩！行入呢間好有文青Feel嘅「好煮意」好有被拯救嘅感覺，藥膳雞米線香濃酒味同藥材味，瞬間滋補暖身，無化妝嘅我都立刻面色好咗。喇沙都好值得推介，邪惡嘅腩肉好好味🤤連少少豬皮，入口即化，好重骨膠原。粉腸同雞翼都勁入味，好食😋食咗啲咩？🐔藥膳雞米線不愧為真店之寶，真係好香藥材味，飲一啖湯都好有暖身同滋潤補身感覺。雞好滑，紅棗勁甜，我本身又鍾意食木耳，成件事好滿足！🐔喇沙油麵（腩肉、粉腸和雞翼）喇沙湯底又香又甜，雞翼好入味！腩肉個口感好好、有少少豬皮位，煙煙韌韌，骨膠原豐富，瘦肉位置又好爽口。好食嘅粉腸唔常見，呢間係其中之一間，夠入味而且無晒內臟「壓」味。🐔菊花薑蜜、洛神花蜜不這過不失，凍冰冰天氣下份外暖心。