影片
更多
2022-12-14
93 浏览
隔離完成即刻出去shopping兼食餐好，見到好多朋友仔都去咗日本玩，無假嘅我就只好係香港搵間拉麵食當去咗旅行，要食就要食間正宗d，係尖沙咀有間過江龍拉麵店來自東京涉谷，由日本師傅助陣，主打九州豚骨拉麵，每日用10小時以超過100斤新鮮豬骨熬煮湯底，連麵條都只用日本出產確保拉麵品質店內主打4款拉麵，仲有一款期間限定麵，可按個人口味選擇麵條口感，亦可要求走配料，當然追加都得。小食都係有4款選擇，飲品類有日式汽水同啤酒🧄黑郎君(特製黑蒜拉麵) 粗麵 $98食過幾間黑蒜湯底都一般，所以都唔會再食，坐低睇餐牌賣相好似好得咁，叫碗黑蒜拉麵試多次la！個碗一放低見到面頭好多黑蒜醬，睇樣真係幾正！食落係激香黑蒜味！濃厚蒜味湯底！鍾意蒜味朋友仔一定要試，湯底香濃得嚟唔會膩，飲得出湯底係熬出嚟，麵條彈牙有質感，成件事好高質！終於搵到間好食黑蒜湯底！🐟柴郎君(鰹魚醬油拉麵) 幼麵 $88朋友仔就叫咗碗鰹魚醬油湯底拉麵，初頭我仲話魚湯可能會腥，佢堅持試下，好在佢嘅堅持，湯底一d都唔腥仲好香魚湯味，幼麵口感更細膩，加埋糖心蛋真係一流🥚溫泉蛋冷豆腐 $38豆腐同雞蛋都係我最愛，上碟果陣我仲諗緊溫泉蛋係邊到？原來
隔離完成即刻出去shopping兼食餐好，見到好多朋友仔都去咗日本玩，無假嘅我就只好係香港搵間拉麵食當去咗旅行，要食就要食間正宗d，係尖沙咀有間過江龍拉麵店來自東京涉谷，由日本師傅助陣，主打九州豚骨拉麵，每日用10小時以超過100斤新鮮豬骨熬煮湯底，連麵條都只用日本出產確保拉麵品質
店內主打4款拉麵，仲有一款期間限定麵，可按個人口味選擇麵條口感，亦可要求走配料，當然追加都得。小食都係有4款選擇，飲品類有日式汽水同啤酒
🧄黑郎君(特製黑蒜拉麵) 粗麵 $98
食過幾間黑蒜湯底都一般，所以都唔會再食，坐低睇餐牌賣相好似好得咁，叫碗黑蒜拉麵試多次la！個碗一放低見到面頭好多黑蒜醬，睇樣真係幾正！食落係激香黑蒜味！濃厚蒜味湯底！鍾意蒜味朋友仔一定要試，湯底香濃得嚟唔會膩，飲得出湯底係熬出嚟，麵條彈牙有質感，成件事好高質！終於搵到間好食黑蒜湯底！
🐟柴郎君(鰹魚醬油拉麵) 幼麵 $88
朋友仔就叫咗碗鰹魚醬油湯底拉麵，初頭我仲話魚湯可能會腥，佢堅持試下，好在佢嘅堅持，湯底一d都唔腥仲好香魚湯味，幼麵口感更細膩，加埋糖心蛋真係一流
🥚溫泉蛋冷豆腐 $38
豆腐同雞蛋都係我最愛，上碟果陣我仲諗緊溫泉蛋係邊到？原來釀咗係豆腐入面，精緻又好味！
🐤唐揚炸雞(4件)$38
大大件炸雞幾抵食！雞肉嫩滑，炸粉剛好，唔會食到一舊舊粉
🥤元祖波子汽水 $24 / 靜岡蜜瓜梳打 $26
飲品方面都貫徹日式風格，懷舊一下飲波子汽水，蜜瓜梳打味都幾好飲，最緊要唔似藥水味
⚽️世界盃期間於「一郎」消費，堂食每🈵$100即可獲得扭蛋機會一次，如此類推
一郎
地址: 尖沙咀宜昌街漢宜大廈地下L號舖
张贴
