我今次叫咗貴州酸辣米線，第一啖湯已經覺得「呢啲就係正宗味道！」😳 酸辣平衡得好好～中間仲滲出淡淡麻香，飲落層次感好豐富。 我嗌咗中辣，辣得好過癮但唔燒喉，飲到最後都唔會覺得油膩❤️🔥。
🐔 手撕雞米線更加驚喜！ 唔係普通乾巴巴雞胸肉，而係用咗雞髀肉～肉質嫩滑、啖啖肉，撈埋辣汁嗰種香勁真係無敵😋！越食越香，辣得好過癮～
🍖 豬軟骨米線都超有水準，啲軟骨炆得又淋又香，啖啖膠質，入口即化但仍然有咬口，
米線同外面嘅唔同，粗點帶少煙韌。
🧄 蒜肉白泥重口味之選，蒜香勁爆！一上枱已經聞到香氣，又香又惹味，超邪惡🤤。
🌶️ 涼拌雲耳 拌咗辣油同香料，食落脆卜卜又帶辣香～啱晒鍾意重口味嘅人。食完一啖米線再嚟一啖雲耳，辣勁層層疊，好過癮🔥！
👩🏻🎓 紅磡理工大學嘅同學真係要試！ 近又方便，上堂前後行幾分鐘就到～食完精神百倍返lecture，包你唔會打瞌睡😂！
