許留山 (已結業)

而家天氣真係熱到爆，行街行到身水身汗，見到許留山就諗住入去食個甜品消下暑。一坐低，阿姐即刻走過嚟幫我落單，仲介紹個新產品比我，叫『金菠蘿』系列，咁我見新出咪叫左個『金菠蘿海底撈』。等左一陣就有得食啦，個樣都幾靚，仲有好多什果，中間白色個海底撈原來係撈球，好香椰子味! 跟住仲有好香的菠蘿汁，仲有西米係底，真係好鬼好味!最重要係佢又夠大碗，真係飽哂~! 廿幾蚊真係好抵!