好味到連食咗一嗰禮拜😋
呢個價錢係TST黎講真係冇得輸
係諾士佛臺條斜坡隔離～
好乾淨 哥哥仔同姐姐仔都好招呼
好有傳統茶記feel 有大電視播緊新聞
坐底即刻上暖水 餐具都好乾淨
我幾次去 都feel到d餐具好似啱啱高溫消毒過
仲係熱嘅 有晒溫度
講返d嘢食先～
下午茶2:30開始
雖然話係迷你版
但我作為女仔中嘅大食怪代表表示好飽
我嘅女仔同事仲會淨大半碗飯～
叉燒可以揀肥定瘦
識食就一定揀肥🤓
雖然外皮冇微燶 但呢個價位肉質都算不錯
就算瘦叉都唔會柴
燒腩仔都好正 係我燒味飯嘅常駐嘉賓
半肥瘦 啖啖肉
豉油雞 算嫩同入味
佢嘅薑蔥汁好正 係薑蔥蓉黎 口感一百分🥹
乳豬我自己就覺得肥咗d
但我朋友就覺得啱啱好～
BTW呢間早餐都好有心意
酸菜雞扒米粉➕丹麥多士➕炒蛋➕火腿
都不過係$39 !!!!!
唔知幾耐冇食到3字頭嘅早餐😭
仲要佢嗰湯底唔係大家樂嗰啲嘅hea湯
好清甜😭嗰酸菜係有用辣椒炒過好爽
唔係直接罐頭出黎款 好開胃
呢期真係完全俾呢間野吸引咗
返工去食 放假係半島上完瑜伽堂/附近剪頭髮做facial 都會行去食😭
利申 唔係打手🙋
呢個價位 呢種質素 真係好滾動
1
