Made in HK Restaurant (已結業)

今晚我們喺觀塘附近做完嘢之後去咗apm睇吓去邊間店食晚飯？揀咗一陣我們就揀咗去「Made in HK Restaurant」食晚飯！我們叫咗肉眼扒拼春鷄嘅肉眼扒肉質相當鬆軟嫩滑，肉味亦好濃郁，至於春鷄嘅肉質比較「粗嚡」，唔係好嫩滑，但都算幾大件！匈牙利燴牛肉配扁意粉嘅牛肉燴得非常軟滑腍身，牛肉味相當香濃，醬汁嘅味道亦好惹味濃郁，但就略嫌味道有啲啲鹹，夾埋啲意粉一齊食就啱啱好，至於意粉嘅軟硬度適中，質感都幾煙煙韌韌！跟餐嘅餐包都幾軟熟，而且係微微熱㗎，唔係擺放到又凍又硬！蘑菇餐湯都幾香滑，但唔算好濃郁，味道係比較淡！至於沙律菜味道好清甜，而且好新鮮！