Cruce

营业中

休息中

今日喺中環行街發現呢間西班牙餐廳，裝修型格中帶點復古，燈光柔和啱啱好傾密偈😆菜式將傳統西班牙tapas大改造，創意驚喜滿分！ 🍳 海膽黑魚子西班牙薯仔蛋餅顛覆想像！淨係睇面頭魚子海膽大大舊都覺得好興奮😍蛋餅切開中間放滿薯仔絲，口感一梳！🐙 八爪魚腿配黑白薯蓉、脆魚片、XO醬八爪魚腳慢煮到淋而不韌，黑蒜薯蓉好香，中意食濃味既仲可以配上XO醬微辣提鮮。脆魚片食落有聲，真係平時食魚蛋個款魚肉，好特別！🥦 綠椰仙蹤，其實係烤椰菜花西蘭花，配烤紅椒堅果醬、開心果乳酪絕對係素食者福音！烤到岩岩好唔會燶，香味出晒黎。紅椒堅果醬濃郁帶果仁香，估唔到蔬菜都可以咁配搭，如果開心果乳酪係凍既就更加一流！🌟🐖 黑毛豬叉燒西班牙燴飯叉燒既巔峰！黑毛豬叉燒肥瘦勻稱，食落勁濃豬肉香，可以話係半肥瘦叉燒既完美版！西班牙飯用煮到超濃郁，食到匙羹都奶乾淨🤭