龍門一番 上海·紫砂燉湯 (已結業)

「龍門一番」新派精緻上海菜一坐低店員就遞上多款茶包任揀，揀好每一都有一個少少既茶壺自己沖，可以各自揀鐘意既味道沖泡。自選組合4款 $118上海菜前菜選擇多就係不變既事實，次次要揀都好頭痛，樣樣都想試下，自選4款就啱哂我，先唔講野食，淨係擺盤已經贏哂，4款前菜中間放左乾冰，女仔影相呃Like一流。涼拌茄子 茄子煮到淋身，醬汁亦非常入味。無骨燻魚 無骨至啱懶人，啖啖肉菊花醋木耳 醋味唔會好酸，木耳爽口，食完勁開胃。雞絲粉皮上海菜必食系列，麻醬多好香，食唔停口。魔鬼天使小龍飽 $58聽個名就夠特別，兩黑色兩白色既小籠飽，皮夠薄肉汁又多，我覺得黑色味道較出，味道濃郁。孜然羊崧配叉子 $52羊味重，配上三色椒炒出來更有口感，可選配叉子/薄餅/鍋巴，鍾意食羊既一定要試下。手撕雞冷麵 $62因為唔想食湯麵熱辣辣，所以叫左個冷麵試下，貪佢嚟到一撈起就食得，味道調較得啱啱好，唔會太咸太油，夏天食就啱哂。