湯加 (已結業)

當日好大雨呀, 嚟到太子附近, 諗住食啲熱辣辣嘅嘢, 暖一暖個身。 呢間「湯加」原來係「魚米」嘅姊妹店, 大家同一個集團,食品嘅溝成都差唔多。但相對「魚米」嘅出品我覺得「湯加」差少少。首先 <清湯豬扒淮山麵>, 豬扒份量太細, 而且好肥, 令到冇乜肉食, 食唔飽。 寒底嘅味道同埋麵質都跟「魚米」一樣。然後 <腐皮魚角鹹蛋三色湯飯> 湯、腐皮魚角、鹹蛋都ok, 保持一貫「魚米」嘅水準及味道。 唯獨個三色飯硬咗啲, 容易胃痛嘅人真係唔好食。熱奶茶ok。餐廳嘅女侍應服務都幾好。間餐廳嘅冷氣太強勁, 坐喺風口位嘅客人會頂唔順。我勉勉強強地給「好評」, 希望佢哋會改善啦。