魔膳廚房 (已結業)

南瓜忌廉湯及羅宋湯西餐就一定有餐湯同餐包，南瓜蓉口感非常豐富，清甜之餘加上忌廉真係飲唔停口，而羅宋湯亦有大量蔬菜，酸酸甜甜非常開胃。值得一提係個餐包，熱辣辣香噴噴，極之鬆軟，真係想食多幾個。墨西哥香辣豬肋骨配芝士焗瘋薯 $178主菜叫左兩款，首先就係豬肋骨，一上枱真係「嘩」左一聲，豬肋骨份量大之餘，配菜有焗薯、燒菠蘿、沙律，非常抵食。豬肋骨燒到啱啱好，肉質軟腍，醬汁豐富，另外燒菠蘿亦非常鮮甜，經燒過後味道更加提升，配豬肋骨真係一絕。自家制海膽汁海鮮意粉 $178意粉份量都唔少，海膽汁做得好好，加上海鮮令成碟意粉鮮味充足，口感豐富。荔枝玫瑰梳打味道唔會太甜，中間仲有淡淡既玫瑰香味， 仲有飲品杯有唔同既顏色，影相呃Like一流。檸檬蛋白批 $48上枱時以一個透明罩罩住，店員話裡面既蛋白遇到空氣就會溶，食落檸檬味唔太酸，餅底軟硬適中，值得推介。