食包 (已結業)

諗唔到Lunch食咩，經過太子呢間Burger店睇到Menu好吸引。半開放式廚房，乾淨衛生，即叫即製．店員好有效率，話咁快就有得食。「WB手打牛王漢堡」牛肉漢堡無得輸，加上係手打牛口感更佳，有肉汁唔Dry, 蕃茄生菜夠新鮮，配上醬汁味道更豐富。「WB豬牛薯堡」餐牌上寫住"超極巨份量"果然超厚足料好巨大，幾乎連蓋都掩唔埋。除咗牛．豬之外，仲有薯餅，超滿足。+$18仲有小食同飲品「洋蔥圈」外層好香脆，夠乾身唔會太油膩。「水牛城雞翼」水牛城個醬汁辣辣地，真係好惹味，雞翼肉質都幾嫩滑。堂食仲可以望住姜B今餐滿足又滿意。