影片
更多
2008-02-26
在一個下雨天，我撐著雨傘時偶然間發現這間餐廳。23/2就約左4個朋友一齊去試下和聊聊天。我初時入去時，它位於一樓，內在裝修和它的樓宇外觀很不一樣。我帶著4 位朋友一齊入去時, 她們都一致認為很舒適，環境很好。今次我地被安排坐o係「卡位」，我自己也覺得這地方很適合和朋友一起來談天說地, 感覺輕鬆和舒服。起碼不會太個侷促和太嘈。此為第一個驚喜。食物方面，我地叫左以下菜式：1) 杏仁麥片大蝦:這個大蝦真係超推介，唔係講笑其他可以唔食, 但這個真係要試試。因為連我個"家姐"都不停躲埋一邊密密食個D杏仁麥片。蝦質唔錯，口感爽，配合陣陣杏仁香味。哇~~~ 真係好正。因為一碟只四隻蝦，我地五個人。我簡直唔想分一半俾人食~~~2) 鵝肝卷(goose liver roll)：中文唔記得, 因張單寫這個英文名。因我本人不太喜歡鵝肝，覺得沒什麼特別，但朋友就喜歡鵝肝所以咪點左，我總括覺得都3.5分。3) 金榜乾咖喱雞：我喜歡它有咖喱味和雞很乾身，肉質不會「難咬口」，我喜歡這種質感和味道。但我其中有兩位朋友覺得太乾身，真係見仁見智。這款我也覺得好好吃，有4分。4) 波爾多紅酒浸美國安格斯雙色牛：這款式我就真
我初時入去時，它位於一樓，內在裝修和它的樓宇外觀很不一樣。我帶著4 位朋友一齊入去時, 她們都一致認為很舒適，環境很好。今次我地被安排坐o係「卡位」，我自己也覺得這地方很適合和朋友一起來談天說地, 感覺輕鬆和舒服。起碼不會太個侷促和太嘈。此為第一個驚喜。
食物方面，我地叫左以下菜式：
1) 杏仁麥片大蝦:這個大蝦真係超推介，唔係講笑其他可以唔食, 但這個真係要試試。因為連我個"家姐"都不停躲埋一邊密密食個D杏仁麥片。蝦質唔錯，口感爽，配合陣陣杏仁香味。哇~~~ 真係好正。因為一碟只四隻蝦，我地五個人。我簡直唔想分一半俾人食~~~
2) 鵝肝卷(goose liver roll)：中文唔記得, 因張單寫這個英文名。因我本人不太喜歡鵝肝，覺得沒什麼特別，但朋友就喜歡鵝肝所以咪點左，我總括覺得都3.5分。
3) 金榜乾咖喱雞：我喜歡它有咖喱味和雞很乾身，肉質不會「難咬口」，我喜歡這種質感和味道。但我其中有兩位朋友覺得太乾身，真係見仁見智。這款我也覺得好好吃，有4分。
4) 波爾多紅酒浸美國安格斯雙色牛：這款式我就真係感覺麻麻，只有2.5分。我覺得這款要熱的時候，就要食。因為一凍左，哇.....即刻跌到得1.9分-不太好吃。大佬都唔平架!!! 成$168 。我覺得我唔會再叫這款菜式。
5) 黑松露菌白鴿胸意大利飯：這個飯我地朋友一致都覺得好好吃，意大利飯的質感不錯，有4分。但我朋友批評白鴿胸太「um」，連切都切唔開!!! 但唔知點解我選擇個舊「白鴿胸」就一口就可容易撕開.......被朋友話我，她留番好個舊俾你食。馬上有點唔好意思添.....嘻嘻.....所以我評分會高一點(因我選中一舊好食)。
6) 水牛芝士薄餅：這個薄餅我感覺普通左d ，只有3分。芝士味不太濃味，真的很普通。還有一件事情要說給大家知，就是這款薄餅也要襯熱就食!!! 凍左d 芝士會硬左，口質不太好。
7) 黑松露菌湯：嘻嘻，這個是朋友給我試喝一口，很香野菌味~~~ 我兩個女性朋友都話好飲。我自己就覺得個湯比較「糊」狀，可能有人感到不好，以我呢就覺得口感比較「厚」，加埋菌的香味~~~~值得一試，所以有4分。
8)飲品方面：1) 火熖高：我朋友飲的, 我沒有試, 但佢地話算ok 大大杯咁。我自己就飲sakura，好細杯有酒味。因為實在太細杯了~~~我覺得只有2.5分。
9) 甜品方面：我地點左三款分別為：心太軟-賣相ok , 但有人話中間的朱古力太甜。我覺得朱古力係甜過頭, 但可以接受(我平時不喜歡食甜野)，分數為3.5分。
焦糖燉蛋：我朋友食唔曬，好"流"喎...我又無試過，但佢地話好普通，重食唔曬添，可想而知。
另外，一個叫芒果卷的甜品，感覺比fat記/full記更差，所以可以不吃呢。
最後，我覺得我反而會推介：士多啤梨拿破倫-外表賣相無心太軟咁靚!但反而味道和餅的脆度令我更感吸引~~下次去都寧願再食這款，分數為4分。
服務方面：由我訂座到結帳, 全程服務都很好。值得一讚，我真係頭一次來光顧，也令我有賓至如歸的感覺，仿似走高級餐廳的服務。好!
缺點方面：在上甜點前，應該要幫忙清理一下桌面上留下來的食物殘
但相反價錢方面：我就覺得有點「突兀」，我原本跟朋友話食大約200一位。但埋單結帳時，要各人約三百一十元。原來越食越多, 越點越多。不過，下次應該唔會再點太多，只會重點出擊!!! 因為第一次係試試形式。
我本人就覺得三百幾蚊要食這餐廳，也沒水供應。即是一定要你自己點飲品/礦泉水供進膳時飲用。
總括來說，我會再期待光顧這間餐廳，但下次會慢慢享受這裏的環境和同朋友坐耐少少聊天。
张贴