今次專登去咗啟德體育園新開嘅「餓虎藏龍」，一上到4樓天台已經嘩一聲！半室外座位270度對正「巨蛋」全景，日頭開揚，夜晚浪漫，打卡一流！仲有亞洲50最佳酒吧團隊坐鎮，未食先興奮～
前菜鬼馬咕嚕Nachos超驚喜！脆卜卜嘅Nachos鋪滿酸甜咕嚕肉，醬汁掛得好靚，夾埋芝士同牛油果，中西fusion零違和，一口接一口停唔到口！
主菜極盛和牛海膽魚籽煲仔丼認真霸氣！和牛片油花靚，燒得香口，鋪滿日本海膽同爆汁魚籽，撈埋熱辣辣嘅煲仔飯底，蛋漿一撈，香濃鮮味一次過爆發，邪惡到極點！
甜品朱古力拖肥慕絲蛋糕配百利甜酒開心果雪糕，凍熱交融，慕絲滑溜，開心果雪糕堅有果仁香！
特飲試咗ELEGANT ROYALE，WHISKY混berries，酸甜易入口；YUM CHA SOMETIME用玄米伏特加+茉莉茶+斑蘭糖漿，清新似飲緊泰式茶～
環境無得輸，食物有創意，調酒夠水準，無論約會定gathering都係首選！
