東海薈 · 拉斐特 (The ONE) (已結業)

由細到大都好鍾意食點心，到而家差不多每個星期六或日lunch都會飲茶點心， 心目中都有幾間唔同地區嘅例去酒家。兩星期前我想試吓新酒家嘅點心，朋友提議The One嘅「東海薈·拉斐特」，結果一試，連續兩個星期都在此飲茶點心⋯⋯哈哈！記憶中以前都嚟過The One 12樓東海飲茶，印象好一般。今次再上嚟已變成東海薈，裝修好靚，而且枱與枱算寬闊，又有個大海景，感覺好舒服！茶壺、碟有金魚圖案，好特別。不過第一次時嘅茶壺壺身有好多茶蹟，希望會多加注意。點心選擇有好多，而且有啲係特色點心，值得一贊！以下係連續兩次飲茶所食嘅點心(排名不分先後)：晶瑩鮮蝦餃：連續兩星期都有叫嘅蝦餃，可想而知唔駛形容都知幾咁好食呢合桃叉燒包：我本身鍾意食合桃酥&叉燒包，兩樣食物居然可合體，滿足哂我嘅口味。合桃皮鬆脆、叉燒餡特別，我覺得好好味！(不過朋友話不識欣賞喎)蜜汁叉燒包：所以第二次叫回普通叉燒包，包身鬆軟、叉燒叉燒醬適中，超好味。菠菜汁帶子腸粉：有點過油滑滑，但充滿菠菜味配細細粒帶子，一樣好食。蔥花蝦米炸両腸粉：滑滑腸粉包上香脆油條，真的比食開的酒家岀色好味。五香鹹水角：炸得香脆又軟綿綿，餡又不會過多，超正！脆皮