影片
更多
2017-05-14
1945 浏览
我本身都甚少喺 OpenRice 寫食評，但今晚慶祝母親節嘅家人晚飯，喺「利寶閣」奧海城 2 期就有一個非常可怕的經歷，實在不吐不快！話說今晚(2017年5月14日)一家人出外食飯慶祝母親節，首次光顧「利寶閣」，全家人合共 8 位成人、另外加 2 位小朋友，夜晚 6 點準時入席，枱號 133，本身已經預訂咗母親節套餐菜式。可怕嘅經歷開始喇，我哋齊人入席，通知部長(所謂 Manager) 可以上菜，點知道啲部長十問九唔應，再舉手嗌另外一位部長(又係所謂 Manager) 人齊可以即刻上菜，擾攘咗大約 5 分鐘，終於嗌第三位部長可以上菜，佢先至回應我哋兼且輸入電腦出菜單通知廚房可以起菜。席間，我的外甥仔(小朋友)要食白飯，咁我哋即刻舉手通知侍應想加一碗白飯，個侍應點一點頭之後，繼續忙碌捧菜，完全冇理會過我哋。之後，我哋一邊食餸，一邊等待白飯，大概等咗 10 分鐘左右，我哋發覺仍然未有白飯，之後我哋嗌其中一位部長，想追一追個白飯，點知道呢位部長好大聲呼喝話「你哋 1 分鐘前，先至叫一碗白飯咋，你哋唔好咁快催催催啦，好唔好呀！」 😨 我哋全家人俾呢位部長咁樣講，完全 O 咀呆咗，不過一家人唔想
但今晚慶祝母親節嘅家人晚飯，喺「利寶閣」奧海城 2 期就有一個非常可怕的經歷，實在不吐不快！
話說今晚(2017年5月14日)一家人出外食飯慶祝母親節，首次光顧「利寶閣」，全家人合共 8 位成人、另外加 2 位小朋友，夜晚 6 點準時入席，枱號 133，本身已經預訂咗母親節套餐菜式。
可怕嘅經歷開始喇，我哋齊人入席，通知部長(所謂 Manager) 可以上菜，點知道啲部長十問九唔應，再舉手嗌另外一位部長(又係所謂 Manager) 人齊可以即刻上菜，擾攘咗大約 5 分鐘，終於嗌第三位部長可以上菜，佢先至回應我哋兼且輸入電腦出菜單通知廚房可以起菜。
席間，我的外甥仔(小朋友)要食白飯，咁我哋即刻舉手通知侍應想加一碗白飯，個侍應點一點頭之後，繼續忙碌捧菜，完全冇理會過我哋。之後，我哋一邊食餸，一邊等待白飯，大概等咗 10 分鐘左右，我哋發覺仍然未有白飯，之後我哋嗌其中一位部長，想追一追個白飯，點知道呢位部長好大聲呼喝話「你哋 1 分鐘前，先至叫一碗白飯咋，你哋唔好咁快催催催啦，好唔好呀！」 😨 我哋全家人俾呢位部長咁樣講，完全 O 咀呆咗，不過一家人唔想掃興，大家都冇爭論落去。最後又等咗 10 分鐘，侍應竟然嚟兩碗白飯，仲強調話係我哋柯打咗兩碗白飯。 😨
之後更加可怕⋯ 我哋預訂咗母親節套餐，包括一道菜係鮑魚鵝掌，係分好哂一碟一碟畀我哋每位，點知道只係俾咗 6 碟，咁我哋即刻通知另外一位部長，佢又係點一點頭之後，繼續捧菜，完全冇同廚房跟一跟單。
我哋等咗大約 20 分鐘之後，再叫一位侍應協助追一追單，佢回應話會追一追廚房，點知道又等咗 10 分鐘，仍然冇回音。
我哋再叫一位部長再幫忙跟一跟未嚟嘅鮑魚鵝掌，佢話廚房整緊，叫我哋等多幾分鐘。終於，等多 5 分鐘之後，終於嚟齊咁多碟鮑魚鵝掌。
去到呢個時候，我哋差不多食完，通知侍應上埋盤壽包、上埋糖水，準備埋單走，點知等咗 15 分鐘，我哋依然未有人上壽包、糖水。與此同時，隔離兩枱客人遲過我哋入席都已經食緊糖水。
由於 2 位小朋友已經嗌住要回家瞓覺，咁我哋只好叫部長打包 pack 啲壽包、糖水兼且埋單。
最後夜晚 8 點 42 分先埋到單走人，簽信用卡埋單，我叫部長幫手印多張收據畀我哋計數，點知部長又係十問九唔應，等到 9 點仍然冇人畀張收據我哋，最後因為小朋友已經嗌眼瞓，結果放棄等收據而走人。
自問我哋光顧過數以百間香港的食肆，一向冇乜不愉快經歷，可惜呢一間「利寶閣」完全欠缺基本的待客態度，越叫佢哋追單就越 hea，仲可以大聲呼喝食客。雖然明知道不可恃住「顧客永遠是對的」態度，但簡單對食客的基本禮貌態度都欠奉，真係幫間酒樓倒米。
總括而言，食物水準尚可，但服務態度卻是負評，屬於完全不可接受的水平。
66 浏览
0 赞好
0 留言
张贴
