響 - Hibiki 日本燒肉 (已結業)

呢間位於佐敦嘅網燒和牛放題喺網上長期處於人氣榜首，而且朋友曾經向我推介過，趁住友人生日，就一於試下佢有幾犀利。標榜住網燒和牛放題，而且晚市放題送海鮮拼盤，雖然戒咗食牛，但我都係一個海鮮王！所以呢到放題絕無問題！一貫日式放題餐廳裝潢，座位寬敞，坐得幾舒服，環境乾淨。一坐低，經理好貼心叫我哋唔好寫紙落order住，因為佢哋會自動先上一round鮮肉同海鮮拼盤。🔹海鮮拼盤 （螺、蠔、虎蝦、鮑魚、一夜干喜之次）見到呢盤簡直兩眼發光。每件海鮮都好大隻，賣相已經好高質。虎蝦有圖有真相，真係好大隻啖啖肉。起初被條魚嚇親，唔知點處理佢好，到最後都有嘗試燒下佢，肉質唔算粗糙，但偏多骨，我食咗少少就無食嚕。和牛都幾多選擇，朋友都大讚夠juicy同鬆軟，牛魔王嘅你一定要試。🔹米澤三元豚西冷唔食牛嘅我除咗主攻海鮮之外，豬肉同雞肉都係我第二副攻。一放入口，有驚喜啊！厚切但唔韌，肉質好嫩好juicy，有幾片係有少少肥膏位，如果愛食偏肥味嘅朋友一定大叫正！呢碟暫時係我最愛！🔹刺身拼盤海膽只送一次，刺身新鮮，款式都係嗰幾款選擇。🔹芝士年糕雖然上菜比坊間放題有啲慢，但應該係即叫即整，因為炸物係熱辣辣，唔似出面嗰啲一咬就