台灣霧之戀 (已結業)

台灣飲品店越開越多，要突圍而出真係唔容易。今日經過厚福街見到有人拎住一杯冒煙既飲品，充滿夢幻既感覺🧚‍♀️。追隨之下發現原來呢杯飲品係嚟自同一條街既台灣霧之戀！我上述嘅飲品屬於超級芒果三重奏系列，系列包括白雪珍珠、蘆薈爽同小芋圓。芒果正正係我水果入面既favourite😍- 芒果椰奶x小芋圓飲品分左兩部份，下面係椰奶同芋圓，上面就係大量香甜既芒果粒。芋圓好煙韌，咬落唔會粉，一啖椰奶加一羹芒果令人好滿足😋。杯既底杯放左乾冰，造成冒煙既夢幻效果。佢地既彩虹Logo都好可愛，飲品亦自帶仙氣，女朋友一定好鍾意❤️