但唔好睇少佢帶比人類既貢獻，當睇住師傅點樣握佢
由一團醋飯握出黎，再配搭一塊新鮮魚生，由0到100，充滿住
一股生命力、創造力，你就會明白點解壽司咁受香港人歡迎。👇🏻
📌盛 盒 -
▪️ Deluxe Sushi Platter - $258
▫️ 我無辨法相信，雲壽司開左咁耐，呢次先係我第一次去試，
嗌左個人氣「特上壽司拼盤」，每片刺身刀功精細，賣相光澤飽滿。
牡丹蝦入口散發住甘甜鮮味，肉質爽彈；赤貝厚身細密，極富彈性；
深海池魚肉質結實，好有咬口；三文魚籽粒粒鮮甜，夠哂彈牙；
鯖魚食落偏向較濃味少少；魴鮄口感同魚味都非常特別；
海膽入口軟綿；蔥吞拿魚腩顏色較淺，面頭大量蔥花，
滿滿既香氣；火炙左口魚邊有咬口之餘，帶點焦香，正；
最後既吞拿魚腩入口即化，成個SET相當滿足。
