影片
更多
2021-03-06
185 浏览
個人就特別鍾意吃食式料理、居酒屋🏮等等; 仲要係黃店！而呢間環境雖細却五臟俱全，舖頭位置唔多，但非常舒適。並且在這裏你可以體驗到<慢•生活>嘅感覺，出品唔算快，但卻十分精緻✨其實已經食左幾次啦，因為太好食了，都值得再返黎食！今次叫左lunch set入面新推出嘅銀雪魚西京燒⭐️⭐️⭐️⭐️⭐️Lunch set入面包括有漬物、刺身、蒸蛋、水果、味噌湯及御飯。每次黎食啲前菜都有所唔同幾有新鮮感😋今次前菜就有秋葵凍豆腐(味道新奇好味)、紫薯🥗(入面有青蘋果🍏同粟米🌽加上少少酸嘅沙律汁味道都幾特別)、三文魚刺身(新鮮肥美😋)接住落黎就係主食:御飯(選用嘅係十穀飯➕左啲鰻魚汁同飯素簡直係太好食)另外最令人驚喜嘅係銀雪魚燒得超有水準，皮脆肉身嫩滑，仲可以睇到肉質本身嘅油脂。不得不說，雖然價錢唔算太便宜，但食物質素好高，每份前菜用料一啲都唔含糊，睇得出非常用心去烹飪。仲有飯後生果，好開心，食完成個餐真係好飽，呢個價錢、食物質素非常值得👍🏻刺身四品⭐️⭐️⭐️⭐️⭐️不出意外，佢地嘅刺身都非常之新鮮。職員話啲魚係日本空運鮮魚，每日嘅壽司或者刺身四品都唔同。今次有帆立貝(粒粒飽滿中間夾左塊檸檬食落去有陣清
個人就特別鍾意吃食式料理、居酒屋🏮等等; 仲要係黃店！而呢間環境雖細却五臟俱全，舖頭位置唔多，但非常舒適。並且在這裏你可以體驗到<慢•生活>嘅感覺，出品唔算快，但卻十分精緻✨其實已經食左幾次啦，因為太好食了，都值得再返黎食！今次叫左lunch set入面新推出嘅
銀雪魚西京燒⭐️⭐️⭐️⭐️⭐️
Lunch set入面包括有漬物、刺身、蒸蛋、水果、味噌湯及御飯。每次黎食啲前菜都有所唔同幾有新鮮感😋今次前菜就有秋葵凍豆腐(味道新奇好味)、紫薯🥗(入面有青蘋果🍏同粟米🌽加上少少酸嘅沙律汁味道都幾特別)、三文魚刺身(新鮮肥美😋)接住落黎就係主食:御飯(選用嘅係十穀飯➕左啲鰻魚汁同飯素簡直係太好食)另外最令人驚喜嘅係銀雪魚燒得超有水準，皮脆肉身嫩滑，仲可以睇到肉質本身嘅油脂。不得不說，雖然價錢唔算太便宜，但食物質素好高，每份前菜用料一啲都唔含糊，睇得出非常用心去烹飪。仲有飯後生果，好開心，食完成個餐真係好飽，呢個價錢、食物質素非常值得👍🏻
刺身四品⭐️⭐️⭐️⭐️⭐️
不出意外，佢地嘅刺身都非常之新鮮。職員話啲魚係日本空運鮮魚，每日嘅壽司或者刺身四品都唔同。今次有帆立貝(粒粒飽滿中間夾左塊檸檬食落去有陣清新嘅味道)中拖(比起大拖，我更鍾意中拖嘅口感，入口唔會好似大拖咁油膩，非常新鮮)油甘魚😋、𩶘魚(鮮甜可口) 另外刺身set仲可以揀腐皮烏冬、梅子素面或者茶漬飯。我地揀左梅子素面，食落去有陣梅子嘅清香，都幾開胃。
另外仲叫左廚師推介:北海道珍味海蜇($68)
海蜇彈牙鮮美帶有少少辣味好開胃，底部仲有啲青瓜絲搭配係一起令到個味更清新。份量好足，抵食！
總的來說顏值和味道成正比😋😋😋因為呢間嘅宗旨就係[慢火•出细品]唔希望因佢為追求時間快而出一道菜品黎敷衍客人，而係想將食物本身嘅鮮美呈現俾客人！呢種做料理嘅態度我俾佢滿分💯最後，職員嘅服務態度好好都值得一讚👍🏻
张贴
