一生懸麵 (荃灣千色匯I) (已結業)

食過幾次喺旺角嘅「一生懸麵」，經常要排隊；呢日下午喺呢個商場，見到原來新開咗分店，唔使等位，咁冇乜考慮之下就入咗去開餐😆叫咗$73嘅「野菜山拉麵」，再加$15嘅「叉燒」做toppings，因為我好鍾意食日式叉燒😆，拉麵我要求「超硬」，另加一個$32嘅小食「唐揚炸雞」😋拉麵夠晒硬身，啱我口胃，師傅淥麵嘅時間控制得唔錯😋；野菜係芽菜加椰菜，真係好似一座小山咁😆，幾鮮甜😋；叉燒表面燒到微焦，香口又美味😋；仲有切成極小粒嘅生蒜頭，令整體味道更加濃郁😋。「唐揚炸雞」外邊脆脆哋裏邊雞肉幾嫩滑😋。仲有，呢度比旺角店更大更闊落，坐得幾舒服😌