泰玖 (已結業)

早排去完南豐紗廠， 走左去附近覓食。 喺條唔係大街嘅 路上見到一間兩層高，環境寬敞，裝修走工業風既餐廳，忍唔住入去試吓🤪🍞泰玖金磚蒜蓉包 ($42)蒜蓉包長條型焗到金黃色脆卜卜，咬落鬆軟唔會好乾，拎黎沾落咖喱到食，味道真係一流阿！🦀 鹹蛋黃炒軟殼蟹 ($158)軟殼蟹炸到甘香脆卜卜，加埋鹹蛋黃醬好香好邪惡阿，伴碟既炸脆粉絲沾埋鹹蛋黃醬都好好味，同朋友開友share就good la。🥘 泰式青咖喱雜菜 ($68)雜菜加上青咖喱既組合，簡直會令平凡既蔬菜都變得特別吸引，青咖喱唔會好辣椰奶香味偏重，食落味道唔錯唔錯。🍕泰式薄餅 (+$30)薄餅新鮮熱辣，夠晒酥脆，沾埋青咖喱醬汁一齊食夠惹味。🍹芒果冰茶 ($38)係夏日炎炎既天氣之下，嘆返呢杯冰茶透心涼阿，淡淡芒果香配落紅茶又幾夾喎。🧋泰式奶茶 ($38)冰凍既泰式奶茶真係特別消暑，用煉奶加紅茶結合，口感比一般奶茶較滑但會比較甜。