影片
更多
2022-10-25
197 浏览
大家有冇聽過一句 「秋風到，邊爐起」？話咁快最近天氣就開始轉涼啦，又係時候去打邊爐烚下烚下🥢 最近都冒起左好多間高質既邊爐，今次食既呢間都唔例外😋餐廳走五十年代既復古風格，帶給人一種奢華既感覺😇望住呢個名字加上環境既襯托，彷彿就好似走進左一個唔同既世界入面咁，而且仲主打左多款養生火鍋湯底，火爐配料方面都絕對不馬虎，除左擺盤精緻仲樣樣都好打卡-able，仲等咩?打個卡先講啦！📸🍽️ 香江花月 🍲 日本牛乳鍋($168)今次揀左呢款養顏牛乳鍋🐄聽講入面係用左日本北海道全脂牛乳配上湯製成，而鍋中用左原個木瓜托住一朵牛奶玫瑰花冰🌺旁邊仲配有花瓣為雪白既牛奶湯作點綴🥀湯底奶味濃郁，口感順滑，而且能夠望住呢朵玫瑰花慢慢溶化，個感覺真係好治療阿!😍一定要記得係溶化之前影左相打卡先阿📸🥩 香江拼($788)拼盤呈UFO外形岩岩好圍住個火鍋湯底🛸就咁影相都已經夠哂打卡-able啦📸 望到邊款想食就可以即刻夾落去真係夠哂方便！而牛既種類分為8款，分別有手切肥牛、安格斯肥牛、牛心頂、牛白肉、牛柳粒、牛小腿、牛舌、黑柏葉。基本上牛既大部份既部位都能夠品嘗到，當然要提提手切肥牛及安格斯肥牛既油花紋尤如大理石一樣
🍽️ 香江花月
🍲 日本牛乳鍋($168)
今次揀左呢款養顏牛乳鍋🐄聽講入面係用左日本北海道全脂牛乳配上湯製成，而鍋中用左原個木瓜托住一朵牛奶玫瑰花冰🌺旁邊仲配有花瓣為雪白既牛奶湯作點綴🥀湯底奶味濃郁，口感順滑，而且能夠望住呢朵玫瑰花慢慢溶化，個感覺真係好治療阿!😍一定要記得係溶化之前影左相打卡先阿📸
🥩 香江拼($788)拼盤呈UFO外形岩岩好圍住個火鍋湯底🛸就咁影相都已經夠哂打卡-able啦📸 望到邊款想食就可以即刻夾落去真係夠哂方便！而牛既種類分為8款，分別有手切肥牛、安格斯肥牛、牛心頂、牛白肉、牛柳粒、牛小腿、牛舌、黑柏葉。基本上牛既大部份既部位都能夠品嘗到，當然要提提手切肥牛及安格斯肥牛既油花紋尤如大理石一樣分佈均勻，食落肉質柔軟而且牛味濃郁；牛柳粒就半肥瘦，咬落軟淋淋夠juicy；牛心頂和牛白肉就各有千秋，前者只需剥幾秒盲食得而口感較爽口，後者由於全為脂肪所以油脂相對上比較香。另外牛舌夠軟嫩而黑柏葉食落爽脆。真係作為牛魔皇既朋友仔又點可以唔order呢個拼盤呢，真係絕對係小編既必點推介阿！👍🏻👍🏻
🥟 七彩餃子($108)望著唔同顏色既餃子，就知道餡料都各不有! 分別有金華火腿菜肉餃、冬菇薺菜餃、蟹肉黑松露餃、午餐肉粟米餃、蟲草花餃、姬松茸野菌餃及和牛香茜餃。隻隻餃子都皮薄餡靚，餃子皮又夠煙韌，味道配搭上幾有新意，當中小編就最鐘意姬松茸野菌餃，松茸野菌既清新香氣配上豬肉既餡料真係會令人愛上！😋
🍸桃花綠($88)
顏色上鮮艷分明夠哂colorful🌈係用左新鮮桃肉、桃肉啫喱、梳打水調配成，啫喱Q彈～～而整體味道比較清爽仲帶有濃濃既桃香味！重點係店員係送上飲品既時候係會在飲品表面唧上一個煙燻既氣泡🫧 打卡既時候又到啦，記住拎定手機將呢個美麗既moment捉住，因為氣泡穿左就會化成煙慢慢散走啦🫧 🫧 🫧
🍹香芳幻($88)
幻彩既顏色真係好吸晴👀 感覺上係菠蘿、椰子及酸奶混合而成，味道上有椰香味之餘仲有D酸酸甜甜咁，開胃得黎配埋火鍋就岩哂啦！🍹
张贴
