影片
更多
2008-12-02
9 浏览
琴晚PRINT OUT左OPENRICE「蠔門夜宴」宵夜自助餐 8 折優惠券上左去主打食生蠔，一行四人埋單六百零四個幾（唔知點解有零頭），平均每人HK$151.50左右（請大家記住呢個數方便你地上去食野夾錢）。「疑似哈勤大師」雪糕搬左去門口，如果唔係我女友眼利，差Ｄ就MISS左。之但係搵到都唔一定係好事，琴晚有去食雪糕嘅朋友就知，果Ｄ雪糕硬到差Ｄ筆唔到，我係男人都要出盡九牛二虎之力先搞得掂，現場睇見Ｄ女士們死命地刮雪糕果種辛苦法，不禁令我諗起：「香港果然好多單身女性。」摞住張飛仔去換果幾粒和牛絕對唔係和牛，你幾時見過和牛咬落會有渣仲要有筋嘅呢？熟食熱葷基本上無一可取，甜品糕點亦無乜邊樣好食，除左自製窩夫同埋大件的NEW YORK CHEESE CAKE及藍莓芝士蛋糕之外，其它都不敢恭維。三文魚刺身切到一片連住一片，一係把刀唔夠利，一係就係條魚好多筋囉！雖然我講到好似冇咩優點咁，但係我依然俾個笑樣，因為我同現場大部份人一樣，俾百五蚊只係為左生蠔！我一個人就獨力殲滅左一打生蠔！同場比我更厲害的男士多不勝數！好多女仔仲同我功力相約添！「蠔門夜宴」呢四個字真係改得非常貼切！無錯！黎呢度食宵夜你
「疑似哈勤大師」雪糕搬左去門口，如果唔係我女友眼利，差Ｄ就MISS左。之但係搵到都唔一定係好事，琴晚有去食雪糕嘅朋友就知，果Ｄ雪糕硬到差Ｄ筆唔到，我係男人都要出盡九牛二虎之力先搞得掂，現場睇見Ｄ女士們死命地刮雪糕果種辛苦法，不禁令我諗起：「香港果然好多單身女性。」
摞住張飛仔去換果幾粒和牛絕對唔係和牛，你幾時見過和牛咬落會有渣仲要有筋嘅呢？
熟食熱葷基本上無一可取，甜品糕點亦無乜邊樣好食，除左自製窩夫同埋大件的NEW YORK CHEESE CAKE及藍莓芝士蛋糕之外，其它都不敢恭維。
三文魚刺身切到一片連住一片，一係把刀唔夠利，一係就係條魚好多筋囉！
雖然我講到好似冇咩優點咁，但係我依然俾個笑樣，因為我同現場大部份人一樣，俾百五蚊只係為左生蠔！我一個人就獨力殲滅左一打生蠔！同場比我更厲害的男士多不勝數！好多女仔仲同我功力相約添！
「蠔門夜宴」呢四個字真係改得非常貼切！無錯！黎呢度食宵夜你必須係一個「蠔客」！如果你係唔食生蠔的話，呢度真係冇乜其它野係好食又回本嘅！
註：限時兩個鐘夜晚十點至十二點，我入到去好忙地夾野食同埋食野，唔得閒影相，惟有一早響門口等入閘時影定張開賽照。
张贴
