影片
更多
2016-12-11
662 浏览
平時食放題都不外乎飲品任飲，所有熟食刺身任食。今次就搞搞新意思，食間餐廳除咗普通嘅放題之外仲有搞生蠔任食⋯生蠔飲食一開始就會上咗部份前菜，包括蒜味螺肉，中華沙律等等，份量比較細。亦都唔知可唔可以無限Refill。另外有兩款醬汁係燒蠔食嘅，一款係芝士煙肉另外一款係辣味蒜蓉汁。總共分開兩款唔同嘅生蠔，法國嘅生蠔係可以即食，蠔身比較細小，都幾有鮮味，對比係出面食幾十蚊一隻抵食好多，如果真係想食好大量嘅話不妨可以試吓生蠔放題。另外一隻比較肥美嘅蠔我見到背面係有少少青苔，可能就係普通嘅，所以一定要燒熟左先可以食，燒嘅時候已經要加上各種醬汁，如果唔係嘅話就會唔夠入味。蜆肉都唔錯，裏面沒有沙，而且好快就可以食得，可以點上醬汁或者唔點都冇問題，可惜就係冇得加。以上兩款蠔都可以無限添加，另外一啲小食就有甜番薯同埋京蔥，都係可以任加，味道冇咩特別啦！不過蔥就真係唔係特別鍾意食啦，可以話係清理口腔。蠔湯裏面有一粒蠔，比較乾身不過整體味道亦較咸。蠔飯稔身比較似平時食嘅燴飯，醬汁有少少偏酸，亦有唔少雜菌。最後甜品就係每人一支雪條，眼見只有雀巢朱古力雪條同埋Banana，所以就選擇了後者，成餐都算飽。如果真係特別
生蠔飲食一開始就會上咗部份前菜，包括蒜味螺肉，中華沙律等等，份量比較細。亦都唔知可唔可以無限Refill。
另外有兩款醬汁係燒蠔食嘅，一款係芝士煙肉另外一款係辣味蒜蓉汁。總共分開兩款唔同嘅生蠔，法國嘅生蠔係可以即食，蠔身比較細小，都幾有鮮味，對比係出面食幾十蚊一隻抵食好多，如果真係想食好大量嘅話不妨可以試吓生蠔放題。
另外一隻比較肥美嘅蠔我見到背面係有少少青苔，可能就係普通嘅，所以一定要燒熟左先可以食，燒嘅時候已經要加上各種醬汁，如果唔係嘅話就會唔夠入味。
蜆肉都唔錯，裏面沒有沙，而且好快就可以食得，可以點上醬汁或者唔點都冇問題，可惜就係冇得加。
以上兩款蠔都可以無限添加，另外一啲小食就有甜番薯同埋京蔥，都係可以任加，味道冇咩特別啦！不過蔥就真係唔係特別鍾意食啦，可以話係清理口腔。
蠔湯裏面有一粒蠔，比較乾身不過整體味道亦較咸。蠔飯稔身比較似平時食嘅燴飯，醬汁有少少偏酸，亦有唔少雜菌。
最後甜品就係每人一支雪條，眼見只有雀巢朱古力雪條同埋Banana，所以就選擇了後者，成餐都算飽。
如果真係特別為咗生蠔為食嘅話其實抵食，只要唔好浪費嘅話食幾多都得，如果對生蠔一般嘅話建議都係食返依間的普通放題可以試到唔同款式食物。
张贴
