影片
更多
2019-08-01
979 浏览
呢排好想食生蠔，但係出去食單點又好貴，所以就上網睇吓有冇自助餐有得任食生蠔，結果俾我搵到呢間超級抵食嘅buffet！雖然要預繳每位$100訂金，不過星期一至四晚市只係$378一位咋(已包加一)，有得「蠔」食Buffet，真係非常抵食🤤我哋首先試食兩種放係出面任食嘅生蠔，分別係美國同新西蘭，味道一般，唔太新鮮，某幾隻食落仲有輕微嘅苦味😣放喺生蠔旁邊有廣島生蠔柚子杯，由於太受歡迎嘅關係，我哋見都冇見過，非常可惜，希望可以refill得快啲！(利申，我地7點到)正所謂先苦後甜，先食完一輪任食嘅生蠔之後，梗係要試吓呢兩款每位限定各一隻嘅法國Special Jade生蠔(左邊嗰隻，配青檸)同日本室津生蠔(右邊嗰隻)個人比較鍾意日本室津生蠔，非常creamy，兩款都非常新鮮，食完之後翻唔到轉頭呀🙈刺身有四款，甜蝦、帶子、三文魚、八爪魚，四款都還可以，正正常常甜蝦冇剝殼，食起上嚟有啲唔方便，恕我孤陋寡聞，我食過咁多間日本餐廳，都未見過甜蝦係唔剝殼😂熟食方面，羊架唔會煎得太熟，都唔會太鞋身，不過冇薄荷醬就爭啲鵝肝多士都推薦！鵝肝入口即溶，好似食咗空氣咁，適合啲鍾意食油膩野嘅人，至於塊多士用咗麥包去做，
雖然要預繳每位$100訂金，不過星期一至四晚市只係$378一位咋(已包加一)，有得「蠔」食Buffet，真係非常抵食🤤
我哋首先試食兩種放係出面任食嘅生蠔，分別係美國同新西蘭，味道一般，唔太新鮮，某幾隻食落仲有輕微嘅苦味😣
放喺生蠔旁邊有廣島生蠔柚子杯，由於太受歡迎嘅關係，我哋見都冇見過，非常可惜，希望可以refill得快啲！(利申，我地7點到)
正所謂先苦後甜，先食完一輪任食嘅生蠔之後，梗係要試吓呢兩款每位限定各一隻嘅法國Special Jade生蠔(左邊嗰隻，配青檸)同日本室津生蠔(右邊嗰隻)
個人比較鍾意日本室津生蠔，非常creamy，兩款都非常新鮮，食完之後翻唔到轉頭呀🙈
刺身有四款，甜蝦、帶子、三文魚、八爪魚，四款都還可以，正正常常
甜蝦冇剝殼，食起上嚟有啲唔方便，恕我孤陋寡聞，我食過咁多間日本餐廳，都未見過甜蝦係唔剝殼😂
熟食方面，羊架唔會煎得太熟，都唔會太鞋身，不過冇薄荷醬就爭啲
鵝肝多士都推薦！鵝肝入口即溶，好似食咗空氣咁，適合啲鍾意食油膩野嘅人，至於塊多士用咗麥包去做，食落比較硬身，都幾特別
燒美國西冷牛扒
片皮鴨嘅肉質非常厚實，餐廳唔會片到太薄俾你，等你食落去啖啖肉，正呀😋
燕窩蟹肉砂窩粥海鮮味濃郁，而且煲到非常綿滑
甜品方面，選擇都好多，呢個法式香橙薄餅配血橙雪葩係每晚8時起供應，當你見到長長人龍，走去排隊實無走寶！份量唔少，食到尾聲飽飽地，兩個人share一份都夠曬☺️
其他任食嘅甜品仲有：MÕVENPICK雪糕、豆腐花、窩夫、港式雞蛋仔、朱古力噴泉等等
個人推薦黑松露芝士蛋糕(張相無)，有非常濃郁嘅黑松露味，值得一試！
张贴
