占士包點 (已結業)

今日行咗一圈比占士包點既可愛包點吸引，見到佢既一人餐都幾豐富咁，有盅頭飯、籠仔蒸飯、拉腸粉同新派點心可以自由組合。由於唔太肚餓，就叫咗拉腸粉配點心，連埋杯熱茶就$60，食完覺得性價比唔高。 原隻鮮蝦腸粉蝦都真係幾大隻放哂係腸粉上面，連埋蔥花同菜都幾紅紅綠綠，不過食落就唔太爽口，死實實咁。腸粉皮比較厚身，食落似粉皮，如果係計飽足感都幾高分。黑金流沙包估唔到係foodcourt都有咁既打卡點心食，小心翼翼咁打開個包，發現乜都冇流出黎，可能因為keep住蒸得好勁，已經比個包吸收咗唔少。奶黃味都偏假，唯一抵讚既係包搓得唔錯，食落有d煙韌，口感唔錯香菇包賣相同味道都唔差，相信大家一睇就知佢入面有滿滿既香菇粒，咬一口就已經跑出香濃既菌味，成餐最好就係呢個包食既途中發現蒸籠既衛生唔太好，見到唔少都有霉菌既痕跡，始終仲係疫情期間，即刻令人食欲大減。