Morokok (家樂坊) (已結業)

「老友囧囧常相聚」系列之泰國餐廳既意大利面同蠔餅好打得！是日同老友即興約出黎食飯吹水串下咀, 咁就抽中呢間泰國餐廳試下新野~ 一到餐廳門口, 裝修同氣氛好elegant , 好靚, 係好好既打卡+影相熱點黑松露忌廉BB菠菜煙肉意大利面 : 賣相好吸引, cream cheese 同黑松露好香, 好濃, 因為好夠汁, 食前一定要同啲面撈埋哂一齊, 令每一條面都沾有個汁先食, 色香味加埋啲面又幼又彈牙 ; 唔好問點解泰國餐廳有意大利面, 仲之好食就得啦珍珠蠔蛋餅 : 去到邊, 一見到蠔餅, 無論係潮州野定fusion 野, 呢個餸都係我「一見即點」; 呢間餐廳既蠔餅真係抵讚, 賣相討好, 炸到香脆唔油膩, 唔厚粉, 細細隻蠔仔夠足料, 味道唔會太咸太濃, 食得出蛋香味 ; 甚至好食過以前試過既某些潮州蠔餅, 真係必點! 泰式小食拼盤 (泰式蝦餅、豬頸肉、香茅鷄翼、鷄卷丸) : 豬頸肉好滑炭香味好濃同入味 ; 另外3個小食都炸到外脆內軟, 唔乾身之餘, 配埋泰式sauces, 好味開胃都不得了, 而且好結實, 會有飽肚感, 好堅! 呢間餐廳果然係有外表又有內涵既實力派，支持！