影片
更多
2018-06-05
574 浏览
端午節就快到，當然又係時候食糭應節。記得舊年試咗「功夫點心」的鹹肉糭、鹼水糭同裹蒸糭，覺得幾款味道都唔錯，真材實料，所以今年就決定再接再厲，預早買咗糭券，趁這天要來深水埗出差，辦完事後，就順道過來換領。好彩一早買定，原來啲糭券已經全部售罄。一如往年，今次買嘅功夫瑤柱裹蒸糭套裝 (原價 $178、優惠價 $138)，一共有三款，包括家鄉鹹肉糭、豆沙鹼水糭和懷舊瑤柱裹蒸糭各一隻，而且全部是都是真空包裝，並以禮盒盛載，就算用來送禮，亦絕不失禮。先講下呢隻懷舊瑤柱裹蒸糭，個子巨型，非常墜手，斤両十足，而入面嘅餡料除咗有糯米同綠豆，另外仲有鹹蛋黃、豬腩肉、燒鴨、蓮子、瑤柱同冬菇等。糯米相當腍口，唔痴牙。鹹蛋黃雖然不太油潤，但亦不差；豬腩肉肥瘦適中，有豬油香嘅同時又唔會太膩口。蓮子綿香鬆化，加上瑤柱同冬菇，極之足料，多重滋味，令人吃得滿足。至於這兩款就係豆沙鹼水糭同家鄉鹹肉糭，鹼水糭賣相不俗，糭身呈金黃色，在燈光下顯得半透明，入口鹼水味不過苦。糯米頗為鬆軟，韌度適中，帶點黏牙的感覺，而豆沙餡亦香甜清新，各方面都在水準之上。最後就輪到品嘗這款家鄉鹹肉糭，隻鹹肉糭用料雖然無裹蒸糭咁豐富，但入口軟糯煙韌
端午節就快到，當然又係時候食糭應節。記得舊年試咗「功夫點心」的鹹肉糭、鹼水糭同裹蒸糭，覺得幾款味道都唔錯，真材實料，所以今年就決定再接再厲，預早買咗糭券，趁這天要來深水埗出差，辦完事後，就順道過來換領。
好彩一早買定，原來啲糭券已經全部售罄。
一如往年，今次買嘅功夫瑤柱裹蒸糭套裝 (原價 $178、優惠價 $138)，一共有三款，包括家鄉鹹肉糭、豆沙鹼水糭和懷舊瑤柱裹蒸糭各一隻，而且全部是都是真空包裝，並以禮盒盛載，就算用來送禮，亦絕不失禮。
先講下呢隻懷舊瑤柱裹蒸糭，個子巨型，非常墜手，斤両十足，而入面嘅餡料除咗有糯米同綠豆，另外仲有鹹蛋黃、豬腩肉、燒鴨、蓮子、瑤柱同冬菇等。糯米相當腍口，唔痴牙。鹹蛋黃雖然不太油潤，但亦不差；豬腩肉肥瘦適中，有豬油香嘅同時又唔會太膩口。蓮子綿香鬆化，加上瑤柱同冬菇，極之足料，多重滋味，令人吃得滿足。
至於這兩款就係豆沙鹼水糭同家鄉鹹肉糭，鹼水糭賣相不俗，糭身呈金黃色，在燈光下顯得半透明，入口鹼水味不過苦。糯米頗為鬆軟，韌度適中，帶點黏牙的感覺，而豆沙餡亦香甜清新，各方面都在水準之上。
最後就輪到品嘗這款家鄉鹹肉糭，隻鹹肉糭用料雖然無裹蒸糭咁豐富，但入口軟糯煙韌；綠豆粒粒分明，五香豬肉調味得宜，質感油潤，食落甘香，同中間嘅蛋黃配合起來，鹹香惹味。未到端午節已經食曬啲糭？唔使擔心，因為一早已經買定兩套糭券，到扒龍舟正日一於再回味。
张贴
