豊勝手丼 (已結業)

近排真係無咩心情出街，為左想滿足一下自己既人生樂趣，決定要去食我人生中最鍾意既日式丼飯。聽聞銅鑼灣呢間主打自選刺身蓋飯既「豊勝手丼」係V Point開左新店。除左可以自由配搭唔同海鮮配料外，仲推出一系列招牌丼飯比你揀，淨係見到個Menu都流哂口水呀！👇📌五品丼 - $278👉正所謂五味人生，食丼飯最緊要係可以一次過食哂自己最鍾意既刺身啦。呢個五品丼就fit哂我心水啦，首先成個丼飯既擺盤幾出色，每款分得好有層次，清晰見到每一種種類既顏色配搭。而餐廳既食材都係以日本入口，先講三文魚，肉質肥美，入口彈牙有咬口，唔錯；油甘魚食落油鮨豐富，每啖都好滿足；活帶子色澤雪白，鮮甜到不得了，無得彈；赤蝦Size非常巨型，肉質厚實，入口潤滑無比；最後試埋日本海膽一入口成個鮮甜味散發整個味蕾，口感亦都相當Creamy，絕對係必食推介！📌京姬 -▪ 柚子x梅酒 - $45/Glass▫ 口痕整木杯柚子梅酒過下癮，入口有種甘甜味，後尾帶返少少柚子既酸甜感覺，好特別。清清地，唔會太濃，幾岩夾埋刺身既配搭。