環亞機場貴賓室

上次去鄰近 Gate 35 嗰間「環亞機場貴賓室」無魚蛋粉，今次去鄰近 Gate 60 呢間。
其實 Gate 60 呢間比 Gate 35 只係行前少少再上一層就到。去到門口無人排隊（可以太早，因為未夠6點），搞好手續，即入勁快脆。

呢間同樣唔多人，有室內同室外兩個區域，但室內位置冷氣唔多夠比較悶熱。

食物選擇OK咁啦（一般早餐嘢，魚肉燒賣、腸粉、腸仔、炒麵、茄汁豆、滷蛋、蘿蔔糕...），但終於試到魚蛋粉（要早上6點後才會供應）。

另外有啤酒、粟米片、果仁提供，食哂早餐，坐係度慢慢 hea 到夠鐘。