禾日

禾日Inebi係Hysan 重新裝修後的進駐的日本餐廳，專攻日本米料理。佢地會定期換不同種類嘅日本米，配合季節同時令，令你有個獨特嘅用餐體驗！首推兩款「特A級」米種，一款係「魚沼越光米」，米質飽滿、顆粒豐富。另一個來自北海道的「七星米」，口感清爽，米飯粒粒分明🍚其中一款必試嘅菜式係香烤和牛海膽釜飯。魚沼越光米嘅香氣配上餐廳自家製嘅蔬菜湯同手工醬油，每一口都飽滿窩心滋味！禾日前菜三品(竹子胡蔴菠菜、深海池魚配柚子醬油、吞拿魚醬油漬)壽司拼盤 最後，我會推介用米製作嘅甜品，例如「禾日禾米雪糕 脆米芭菲」（HKD $98），佢地自家製嘅米雪糕滑順細膩，配上白麻糬、紅豆、蕨餅同脆米，層次豐富，令你一試難忘。另外仲有「禾日清酒雪糕泡芙」（HKD $78），用清酒入味嘅雪糕包埋脆米，放喺精緻嘅奶油泡芙入面，好味！