一休鐵板燒 (已結業)

食鐵板燒唔一定下下人均幾百蚊嘅😏旺角新開嘅「一休鐵板燒」，主張將俾人感覺高級、昂貴嘅日式鐵板燒平民化，令普羅百姓都可以享受鐵板燒嘅美味🫶🏻.小店橙色門面相當顯眼，透過大玻璃可睇到廚師烹調嘅過程👨🏻‍🍳夠晒過癮😆而且即叫即燒，唔係疫情關係直頭想喺街頭即刻食🤣.🍴鵝肝鐵板燒💰$68必食推介🌟鵝肝入口後油脂香氣迅速充滿口腔之中，久久不散🤤加上外層煎到有點燶邊，外脆內軟🥰吸收晒鵝油嘅香脆多士配上甜甜地嘅醬汁，加埋鵝肝一齊食，口感豐富之外，亦為整個菜式減少油膩感👍🏻.🍴鐵板炒麵💰$38自由配搭麵底、肉類、醬汁，今次就揀咗烏冬、牛柳、一休醬汁🤟🏻炒烏冬夠晒乾身&鑊氣，而且加上椰菜、冬菇、木魚碎配料，份量都幾多下😍一休醬汁偏甜唔會好鹹，為炒烏冬增添滋味😚.貼地價錢下可以享受日式鐵板燒，食物唔會因為價錢而降低水準，非常抵讚😘🫰🏻而且位置夠晒方便，平時可以買個炒麵外賣然後去先達搭小巴返屋企🤪值得推介😆