本佐日本燒肉料理 (已結業)

唔知你地會唔會同我一樣成日都想去搵下到底香港而家仲有邊間放題係好食，所以試試埋埋有唔少貨😅覓食過程中發現「燒肉」同「日式放題」已經扯上好緊密嘅關係。今晚嚟咗尖沙咀呢間「本佐日本料理」就係其中一個例子，價錢同質素都算相乎，$278任食兩小時不過唔特別加$40就只有一罐飲品 (飲幾多自已衡量啦😂) 。好啦，入返正題先。餐廳佈置係走懷舊和風，響住任食日本和牛燒肉嘅旗號，主打係日本熊本直送嘅一口和牛，入口味道還算可以，不過都要小心控制火喉唔好過熟，因為都會同普通肉一樣燒得稍為耐啲就會變嚡😉 另外仲有鹿兒島嘅黑豚裡肌肉同黑豚五花肉，鐘意牛定豬都可以有得選擇。當然你話想食海鮮嘅都有，比較可以嘅有呢個海蝦，建議額外叫一碟蒜粒，有佢加持咩都好食返哂😎食完燒肉又睇下其他，刺身、壽司以呢類型嘅店舖嚟講一定有啦，我就比較欣賞呢個炸鮮奶，炸得幾透。至於呢個海鮮粥...我諗海鮮嘅精華已經融入粥度，幾特別。蠢咗嘅係當日應該揀佢嘅室外位置，露天睇住尖沙咀嘅夜景+食燒肉應該可以加分的，個 feel 都應該會正啲😋