銀座蔵人 (已結業)

無限時當然唔係冇限時啦，由6:30pm食到11:00pm。每位268加一，包一杯汽水。

呢度最適合一家大細，有老人家同小朋友，因為呢度十分闊落，坐得舒服。檯與檯之間有正常嘅距離，成個環境唔會好嘈。

但如果對於後生嘅，可能食物嘅選擇就唔係咁多。宜家出面嘅放題大大話話都幾百款野，但呢度meun得幾頁，想多選擇嘅可能就唔滿足啦。而且有d食材向幾道菜入面都重複出現，例如硯。

呢度嘅重點刺身係新鮮肥美嘅，唔會用上大量冰去鎮住d魚生，我覺得咁環保d。但叫左其中一盤隻碟係暖嘅...可能廚房洗唔切掛。

總括來講，如果想食得舒服，又唔想趕頭趕命，想一大班人傾下計，呢度嘅放題係唔錯嘅選擇。