大勝軒丸一 (元朗廣場) (已結業)

有事要喺元朗廣場處理，處理完之後肚仔餓，想食個簡單嘅 early dinner, 見到呢間拉麵店，冇乜考慮之下就入咗去開餐😆呢間「大勝軒丸一」，喺日本🇯🇵嘅名字 / 商標係「大勝軒まるいち」（同單叫「大勝軒」係不同公司），有五間分店，喺日本🇯🇵我都未食過，呢日喺元朗 有機會試吓啦😆。呢間店裏面有「山岸一雄」（已逝世6年）嘅題字，有興趣可以上網睇吓「山岸一雄」嘅故事，佢創造咗 沾麵 つけめん，被稱為「拉麵之神」😋叫咗 $85嘅「黑蒜油拉麵」，toppings 加咗 $32嘅「叉燒（3片）」同埋 $18嘅「野菜」，再加 $20嘅「煎餃子🥟（3隻）」，$12嘅「烏龍茶」😆「煎餃子🥟」外皮煎到脆脆哋😋。Toppings 「叉燒（3片）」同埋「野菜」原來全部分開上，我將 3片叉燒同部份野菜 夾落碗拉麵🍜裏邊，睇落豐富啲😆；「炒野菜」真係大碟都唔信，我諗最少有一斤菜，可能斤半😆，裏邊有椰菜、芽菜、紅蘿蔔絲、洋蔥絲、香蔥，炒得幾清淡，感覺好健康，$18有咁大碟炒菜，呢個真係強烈推薦👍「黑蒜油拉麵🍜」有啲黑蒜油香味，問店員湯底係乜，店員問廚房，廚房話係豬骨湯底👍