如果因為公關災難，剎那間一直所擁有既名氣名利，就好似
一埸火燒上身，一鑊熟。但換個角度睇，炎上亦可以係
正面既，呢間串燒店「炎」由日籍主廚操刀，
主打串燒Omakase，等我試試佢團火又有幾勁？👇
📌Omakase Menu - $888/Head
▪️ Appetisers -
▫️ 前菜係一個盛合，先黎個「芥末八爪魚」配搭山螯菜一齊食，
口感爽彈；「雞肝雞肉」兩者混合埋口感油潤，同時亦幾有咬口；
「左口魚蛋卷」食到裡面有蛋之餘仲有d青瓜同埋薑，好清爽；
「左口魚漬」酸酸甜甜，夠哂開胃；「拖羅漬」魚味濃郁，口感結實；
「日本虎蝦」釀左d日本山芋係裡面，大蝦亦夠爽甜；口感似食緊
蛋黃咁；而最後一個「蝦煮濃湯」用左蝦殼同埋蜆肉熬煮，
所以特別入味；仲食到d米通，層次豐富。
▪️ Seafood Skewers -
▫️ 今次串燒主角由海鮮「日式燒生蠔」打頭陣，呢隻蠔來自
日本令和怪物，師傅將紫蘇花放係面，仲教我地可以用黎放
係面一齊食，或者用青檸汁可以將味道提升，
果然特別鮮甜，肉質肥厚爽彈，好食。
▪️ Chicken Skewers -
▫️ 跟住就係4串燒鳥，第一道「鹽燒日本雞腿肉」，雞腿肉肉質彈滑，
面頭落左d手指青檸粒，食起黎相對無咁膩；「免治雞肉棒」食到
裡面有d洋蔥粒，最特別係用松露油代替醬汁，雞肉味唔會被搶走，
加埋蘭王蛋完全係絕配；「鹽燒阿波尾雞翼」，阿波尾出產既雞
一定高質咖啦，雞翼燒到外脆內嫩，我好鍾意；「汁燒雞心」
亦都係精彩一環，一食落口入口即化咁制，簡單用上蔥花已經好夠味。
▪️ Vegetable Skewers -
▫️ 係野菜串燒出埸前，會有一道冷盤「日本三色蕃茄」間一間埸，
等你清空一下味蕾，為之後既濃味野做好準備，蕃茄絕對係新鮮，
而且仲有D柚子啫喱一齊食，好特別；而野菜串燒分別係「厚揚豆腐」
同埋「日本白粟米」，前者由師傅將豆腐先炸後燒，再用上
自家製醬汁一齊食，所以份外惹味，加上外層脆口，但裡面
保留到滑溜，面頭再滲上木魚花同蔥花，增強視覺效果；
後者比燒前用上牛油令香口更多，比平時生食既更加清甜，
而且無左草青味，一絕！
▪️ Beef Skewers -
▫️ 最後一串串燒可以揀牛、羊、豬，作為牛魔王一定揀「鹽燒牛舌」咖啦，
牛舌用上澳洲黑毛和牛，肉質相當爽滑，完全唔韌，配搭大蔥絲、
檸檬汁、蔥花，帶出個牛味，我勁鍾意。
▪️ Seasonal deep fried item -
▫️ 炸物方面分別以三種海鮮為主，分別係「炸白蝦」、
「炸銀鱈魚」、「炸沙甸魚」，白蝦金黃香脆，細細隻過足口癮；
銀鱈魚配搭脆豉油、芝麻，肉質嫩滑得黎帶少少脆口，沙甸魚
面頭放上炸素麵一齊食，肉質腍滑，好特別。
▪️ Main Dish -
▫️ 輪到食事環節，呢個「豆乳咖哩牛肉烏冬」屬於京都名物，
底部食到d肉碎醬同埋豆乳濃湯，staff建議我地撈埋一齊食，
先食哂d烏冬後，再飲埋個熱湯，豆乳香味非常突出，
烏冬亦夠彈牙，極速比我掃哂！
▪️ Dessert -
▫️ 去到呢到我已經好飽，估唔到呢個Set份量咁驚人，咁甜品係第二個胃，
無理由食唔到既，甜品分開三個cake上，一次過食勻「黑糖豆乳蛋糕」、
「黑豆栗子蛋糕」、「芋頭糯米年糕」，三樣都係由師傅自家製，
誠意十足，加上甜而不膩，我覺得可以單賣都大把人order，
餐廳可以考慮一下！另外佢地sake都有d特別玩法，
如果你帶一枝同樣既ml數既酒，再係餐廳嗌一枝sake，
咁就會waive左個本身帶果枝酒既開瓶費，otherwise
餐廳會收取$350開瓶費，點計都係嗌多枝sake抵玩好多啦！
