古早味澎湖台灣 (已結業)

在大環山泳池游完水, 便行下行下搵野食,  行到見到依間「古早味」, 便知是尖沙咀都有的分店之一,  食過不太特別, 但老公未食過, 便比佢試下,  入到去才睇真原來依間是「澎湖台灣」, 所以有些漁網的裝飾,  雖然未去過澎湖,  都覺得有點喜歡, 因為台灣料理很多, 但標榜澎湖的卻唔多覺, 是否有些是澎湖的獨有美食呢?  答案是: 沒有的, e.g.仙人掌冰、炸棗甜 都欠奉,  都只提供一般的台灣小食,  我選了星期四的特價晚餐「五味野菌牛柳絲」,  免費跟上兩個白飯, 我退回一個,  哈哈, 兩個白飯似客飯style ,  五味野菌味道中的五味不特出,  西芹味都不濃烈, 這反而合我胃口,  看賣相好似好油, 但吃入口又清清地,  唔錯。老公叫牛肉麵, 麵是似刀削麵的粗板麵。 之後我們share 了綜合芋圓,  有四五種顏色的芋圓, 配了紅豆, 綠豆, 燒仙草及小形珍珠, 仲有點點泡冰,  每一口都可以是唔同味道的配搭,  賣相、口感及份量都是超值。