潮味苑

营业中

休息中

呢排工作比較忙，夜咗放工所以就多咗買外賣返屋企做晚餐，今日就揀咗公司附近嘅潮味苑。其實我都幾鍾意食潮州打冷，呢度真係啱哂我。呢度仲有好多潮式調味醬料，自己煮潮州菜都冇難度。外賣大概等咗10分鐘就到手。今次呢個配搭營養夠均衡。打冷冇理由唔食蠔餅，呢度就有煎蠔餅同炸蠔餅選擇，我今次就揀咗招牌炸蠔餅。炸蠔餅就更加香脆，而且蠔仔大大隻，好有口感。我本身比較抗拒芥菜嘅澀味，但就好欣賞潮州菜入面嘅春菜，所以就揀咗呢個春菜腩肉。春菜煮熟後再加埋潮式調味，已經冇晒澀味，而佢嘅腩肉亦肥瘦適中又夠入味，整體味道唔錯。我係第一次食潮州炒麵線，原來入面有肉絲同蝦肉，雖然材料簡單，不過食起上嚟就甚有家鄉風味。其實仲有好多潮州菜式我都想試，下次會再嚟幫襯佢其他菜式。