影片
更多
2021-06-20
8 浏览
朋友話呢間餐廳酒吧可以用破格去形容，雖然餐廳酒吧多的是，但呢間「潮」既餐廳，係潮州個潮，酒吧可以食到酒店級既潮州菜，真係夠哂潮😎👍🏼上到去地方好闊，完全冇壓迫感，三五知己邊吃邊喝，感覺都寬廣，地理位置梗加係超就腳，地標Times Square 後邊就係了！我地一行四人梗係食個四人餐，佢個餐有：🐔古法雞腳：引用酸辣味去做個汁，令平時雞腳既「漏」消失了，食完一舊再一舊都好醒神！🍲明爐老火湯：每日唔同住家湯，飲到原汁原味。🥃威士忌酒香鵝肝：呢個係冷盤來，淋上威士忌撞埋鵝肝食落去好香，除了鵝肝本身爽口，威士忌亦令到鵝肝本身既肝味淡化，感覺佢配合得好好！🐟潮式凍魚：肉質爽甜，魚肉有彈性，夏天食好夾，配埋普寧豆醬點一點，帶出鮮味！🦐招牌海鮮拼盤：四款海鮮既冷盤，重點係白滷水熬煮而成，帶有醋味，挺醒胃的。全部海鮮淨係就咁食都好鮮甜，當然點埋配上既酸辣醬更提鮮！🥬上湯時蔬：時令蔬菜，少油製作。🍢經典滷水三併：我地揀左鵝肉、鵝腎、元蹄，全部炆得入味，淋身至極，滷水汁香濃。🐦花雕醉鴿：濃濃的花雕酒浸透乳鴿，師傅更起埋肉，啱哂我呢啲懶人，而酒味都入哂味！🍜潮式炒米：好特別，豐富的蝦仁配上幼身米粉，炒得既乾身
朋友話呢間餐廳酒吧可以用破格去形容，雖然餐廳酒吧多的是，但呢間「潮」既餐廳，係潮州個潮，酒吧可以食到酒店級既潮州菜，真係夠哂潮😎👍🏼
上到去地方好闊，完全冇壓迫感，三五知己邊吃邊喝，感覺都寬廣，地理位置梗加係超就腳，地標Times Square 後邊就係了！
我地一行四人梗係食個四人餐，佢個餐有：
🐔古法雞腳：引用酸辣味去做個汁，令平時雞腳既「漏」消失了，食完一舊再一舊都好醒神！
🍲明爐老火湯：每日唔同住家湯，飲到原汁原味。
🥃威士忌酒香鵝肝：呢個係冷盤來，淋上威士忌撞埋鵝肝食落去好香，除了鵝肝本身爽口，威士忌亦令到鵝肝本身既肝味淡化，感覺佢配合得好好！
🐟潮式凍魚：肉質爽甜，魚肉有彈性，夏天食好夾，配埋普寧豆醬點一點，帶出鮮味！
🦐招牌海鮮拼盤：四款海鮮既冷盤，重點係白滷水熬煮而成，帶有醋味，挺醒胃的。全部海鮮淨係就咁食都好鮮甜，當然點埋配上既酸辣醬更提鮮！
🥬上湯時蔬：時令蔬菜，少油製作。
🍢經典滷水三併：我地揀左鵝肉、鵝腎、元蹄，全部炆得入味，淋身至極，滷水汁香濃。
🐦花雕醉鴿：濃濃的花雕酒浸透乳鴿，師傅更起埋肉，啱哂我呢啲懶人，而酒味都入哂味！
🍜潮式炒米：好特別，豐富的蝦仁配上幼身米粉，炒得既乾身又入味，可點埋佢地既潮州辣椒油！
🍱另外我地order 埋「九品味」，呢款九宮格每款食物都各有特色：話梅車厘茄、酸菜蘿蔔、五香牛展、清酒秋葵、芥末雞腳筋、滷水豬舌、滷水鵝腎、鮑魚 同埋 墨魚。 樣樣都好出色同特別！
佢地都有好多款signature 既cocktail, 例如薑蔥味、抹茶豆腐花等等，啲款式都幾爆😆我哋幾個一致認為，首先喺度食嘢，再坐到宵夜時間飲杯Cocktail，唔使轉場，好方便喔👏🏼
张贴
